وش السالفه بالضبط هل هو مرض نفسي؟

السلام عليكم ورحمة الله وبركاته
انا عجزت اعرف وش فيني بالضبط
كل ما قربت إجازة مطوله او أي اجازة كانت
يمغصني بطني من التوتر والقلق ،، شي مو طبيعي بتقولون ليش وش السبب
السبب غريب نوعا ما🤣
اهل زوجي ناس من اكبرهم الاصغرهم عاشقين السفر يعني احس انه من عشقهم للسفر كانو رحاله زمان😂
يعني اخت زوجي اذا عرفت انه احد سافر تتغلق ويضيق صدرها
لان هالشي يخليها تغبطهم خصوصًا اذا شافت السنابات هنا عاد تبدأ المناحة وممكن تسافر بعد
بتقولون وشدخلك يا رغده بكيفهم يحبونه يكرهونه انتي وش حارق رزك
بقولكم😢 زوجي نفسهم واشد ومو هنا الطامه انه اذا سافرو سافر معاهم وسحبني معاه واذا رفضت صارت مشاكل وزعل وشرهات من اهله وهو بعد مايقصر بالزعل ،، ومع ذلك على كثر مامشكلته وعاندته صامل وبعض الاوقات هو يقترح عليهم يسافرون ويعشقون مسك الخطوط بالسيارة
الدرجة ماراح تصدقون عقدت معاه اتفاق ههههههه
اسمع يا فلان انا ماراح اسويلك بهلله وقلق ونكد اذا جيت تسافر الوحدك مع ربعك ابد مسموح والله يسهل دربك وانا بالمقابل لاتجبرني اروح مع اهلك اذا خططتو تسافرون
التزم صراحه وتركني على راحتي
لكن سرعان مامل ونقض الوعد
مو هنا الحكاية
الحين بناتي كبرو وصارو مراهقات ولهم راي ويابابا مانبي نسافر الا الحالنا وارتحت بعد ماساعدني بناتي
لكن نتفة بنتي ام خمس سنوات قالت امس الام زوجي واخت زوجي ليش مانسافر سوى زي زمان ااااه منها هههههههه ام زوجي واخت زوجي غافلين وتجي ذا النتفه تذكرهم هههههه
لا وبعد بداية اجازة مطوله
المهم انا ليش كذا
والله نقدت على نفسي
احس اني اوفر
وبنفس الوقت ما انلام اقسم بالله اذا قربت إجازة تجيني ضيقة صدررر اقول يالله بيبدا النكد 😭😢
المشكله انه عاااادي اطلع مطعم مع ام زوجي واخت زوجي او نطلع شاليه او نروح اي مكان لكن اهم شي عندي اخر الليل في بيتي انام لكن سفر اكرررهه حتى لو انا في شقه وهم في شقه ما احب اكررره نظام السفر الجماعي مع رجالهم وعيالهم تجيني تكه
المشكله اللي ابي احلها كيف ابعد هاالضيقه والتوتر كل ماقربت إجازة مطوله
المشكله حتى السفر مع زوجي واطفالي اكرهه حتى لو لحالنا. لانه يفتح ابواب مسكره ويقولون ايييه اذا جت على السفر الحالك نطيتي وسافرتي لكن اذا قلنا تعالي معانا حمرتي وصفرتي وتغير وجهك،،، فاخذتها من قاصرها وحتى الحالنا ما احرص نروح 😔 احس اوفر كيف اعالج نفسي احس تحول الوضع الحاله نفسيه استغفرالله