وش السواة مع صاحب زوجي

صَــبـآآآحْ الّـخَّيِـرْ
كيفكم حبيباتي ***** الله بخير
انا بدخل بالسالفه على طول وابي نصايحكم لي وخبراتكم
السالفه ان زوجي عنده صاحب عزابي موراضي يخلينا نعيش حياتنا كل شوي داق على زوجي اطلع ابيك تعال بسرعه حتى يدق اخر الليل ويطلع زوجي له ويروح له ويوقفونا بس في الشارع وسوالف كذا فاضي وسبب لي مشاكل مع زوجي لاني اقوله لوكان متزوج مسهر معك اخر الليل وكثير مشاكل سببها لي هذا غير انه يشجع زوجي على مكالمات والسفر وطبعا زوجي مطاوعه
المهم انه من سنه توظف في منطقه بعيدة وصار يجي وقت الاجازات ويتقابل مع زوجي بس مو مثل اول اقل ورجعت حياتنا طبيعيه والله ان زوجي يرجع للبيت من الساعه 11 الليل ويسهر معي وياخذ ويعطي معي حسيت اني قريبه من زوجي كاني توني اعرفه لان صاحبه ماخذه مني ويقولي صح اني ماعاد صرت اسهر برى البيت وانا ابتسم له واقول في نفسي ايه هينا لان صاحبك مو هنا ولا كان بتسهر وبتتركني
بس يافرحه ماتمت صاحبه فصل من الوظيفه برغبه منه ورجع لحياتنا مرة ثانيه ورجع سهر مع زوجي والله تصدقون بس يركب معه في السيارة ويفرفرون في الشوارع وانا اموت من القهر لان هذا عزابي وزوجي متزوج وراه زوجه في البيت يوم كان صاحبه موفيه كان زوجي يرفض اني انام عند اهلي والحين يوم رجع قلت زوجي بنام عند اهلي يومين فرح زوجي وقالي الي تبين نامي عندهم عشان بس يروح ويسهر مع صاحبه وانا ارسلكم الحين وزوجي طالع معه الى الحين مارجع
وش اقوله اذا رجع ودي اقوله انا ماصدقت حياتنا تستقر والحين رجع الي يسبب لنا المشاكل
او اقوله غريبه انت عاقل من سنه وشفيك رجعت للسهر برى البيت ولا عشان فلان رجع بترجع للفرفرة في الشوارع كانك مراهق
وش تنصحوني اقوله ولا اسكت والله قاهرني صاحبه بيخرب بيتي .