الله يسقي زمااااااان اول

لاتظلمين المعلمة مافيه قرار ولاتعميم يقول انها ترجع الاعمال للطالبات ..
لانه إذا رجعت لكل طالبة عملها فأيش تحط بغرفة معرض الفنية؟؟ وكيف تشوف موجهتها أعمال الطالبات؟؟ وكيف تقيمها؟؟
وإلا المعلمة وش تبغى بالاعمال ماغير تضيق عليها!!
أما مسألة أنها تبيعها فهذي قوووية مرره ولايمكن تصير..

والله مشكله بنتي ثاني أبتدائي وكل أسبوع والثاني وهي تجي تطلب طلبات من المكتبه للفنيه

والله أشياء مالها داعي وبس تستخدم مره وحده وفيه حاجات مايعرفون يستخدمونها الصغار

عندنا وعندك خير الله يعين والله معاناتنا مع هالطلابات مالها اول ولا اخر مافيه شي بالمكتبه إلا جبناه طلبات غريبه مامنها اي فايده كل سنه شي جديد

المفروض المدرسه توفر الخامات الأساسيه المطلوبه لأي عمل اجل ليه الميزانيات اللي تصرف للمدارس عشان الاعمال ولانشطه!!!!! اصلا اللي اعرفه ان المدرسه ممنوع تطلب من الطالبات اشياء مكلفه او فلوس .. والمدرسه توفر كل شي او ع الاقل الاساسيات والبنات يجيبون الكماليات على ذوقهم..
اتذكر معلمه كانت تطلب طلبات عجيبه غلايبه مننا ما ندري ايش هي واهالينا ماعمرهم سمعوا عنها ونجلس نفرفر المحلات والمكتبات ندور الطلبات ولو مالقيناها نروح خايفين ماندري وش نسوي وفي الاخر نلقى معظم الطالبات نفس حالتنا وبعضهم مساكين ما عندهم احد يشتري لهم الطلبات.. الله يذكرها بالخير ماصدقنا تنقل اشتكيناها لين طفشت الاداره منا..
التعليم والحث على الابداع وتنمية الحس الفني مطلوب بس مهم يكون حسب المعقول ومع مراعاة الحالات الماديه والاجتماعيه المختلفه للطالبات..