قمرر زماني @kmrr_zmany

محررة ماسية

وش السوات مع ام زوجي؟؟

كيفكم بنات

انا بطبعي متحفظه ع مشاكلي انا وزوجي واسرار بيتي مره مره وماشتكي الا هنا بالمنتدى بحكم الناس ماتعرفني

امي بما ان معاها ضغط اجيهم وانا مستانسه والابتسامه شاقه وجهي شق مع اني مو سعيده بحياتي زوجي عصبي شكاك امرضني. معاه ومايخبي شي عن امه حتى مشاكلي معاه كل شي يقول لها حتى لو مشكله صارت وانتهت واتصالحنا يقول لها وصارت عزومه عند زوجي وامي جت وام زوجي تقعد تسب بسلايفي وانهم سوو مشاكل وامي ماتدري عن شي ومفهيه كيف تتكلم عن حريم عيالها كذا وفلانه سوت وفلانه سوت

ومن ضمن سوالفها قالت لامي عن راتب زوجي 17 الف وامي ماتحسب راتبه كذا امس يوم جيت اهلي امي قالت راتب زوجك 17 وبيتك مافيه اثاث ليه قلت كله اقساط وديون

وانا اللي زوجي يتهمني ان اهلي اعلمهم بكل شي بالمقابل هو يعلم امه بكل شي وهي زي القربه المخرمه تمشي. وتهرب قسم بالله يامشاكلي اسمعها من جماعته واحذره اقول انت قايل لمين عن السالفه كذا وكذا وينكر انه علم احد حتى لما احمل احلفه مايعلم احد اسمع انها معلمه الكل حتى بميعاد ولادتي قسم بالله بولدي الاخير معلمه الكل باليوم والشهر بالتحديد وتعبت فيه بغيت اموت وتاخرت ولادتي والدكاتره استغربو التاخير اخرتها ولدت بعمليه وبنتها والله ماتعلم احد بحملها وتقول والله مادريت عن بنتي حامل الا لما شفت بطنها تكبر
طبعا مستحيل اقول امك تنشر غسيلنا برى ينقص لساني ولا اقول امك قالت اخاف يغاضبها بسببي ويصير فيها شي ماراح يسامحني طول عمره

يابنات قسم بالله تعبت تعبت راتب عياالها الثانين عمرها ماجابت طاريه الا راتب زوجي وكل اخوانه وحريمهم عارفات راتب زوجي كم والله مافيه بركه مايقعد اسبوع واحد ويقول انتي مافيك بركه لما اخذتك قلت البركه بفلوسي والله مايدخل جيبتي منهم شي بالعافيه يعطيني مصروف البيت اقضي مه بالجمله شهر ايه وثلاث شهور لا مانشوف بالبيت شي

تعبتت تعبت كيف اسوي كيف اقول له احفظ اسرار بيتك صعب اني اقول امك وامك ابي حل بدون مااشيشه ع امه حتى لو نصحته بيني وبينه يروح يعلمها وانا علاقتي فيها حلوه مابيها تخرب لاني اخاف الله فيها والدنيا دواره بس اللي يصير شي لايطاق

يلزم عليك تسجيل الدخول أولًا لكتابة تعليق.

تسجيل دخول

معتزة بنفسها • 4 سنوات

الله يعينك هذا طبع في زوجك وما بيتغير تعايشي مع الوضع بالتطنيش

غربة الوحده • 4 سنوات

شوفي اقعدي مع الام وسولفي وانبسطي وجيبي سيرة إن هالحريم مادري وين يجيبون سوالف أبو فلان الظاهر رجالهم يعلمونهم بكل صغيرة وكبيرة عن بيتنا لا تقولين عن زواجنا ..خليها معكم في الخطر ..
عقب قولي الله يكفينا شر عيونهم والله اني خايفة على فلان اللي هو زوجك من عيون هالعالم ألاحظ عصبيته زايدة ..
بتصير تخاف على ولدها وتنتهي ..
أما زوجك لا تعطينه كل علومك الخاصة قدر الامكان مثل أشياء تخص نتايج حمل وولادة مو على طول يدري حتى لو توصين الطبيبة كانه يدخل معاك في مراجعاتك ..وتبرمجي على كذا .

الااا كبريااائي • 4 سنوات

باين عليك اصيله ماشاء الله عليك
وبااالنسبه لزوجك مالك الا تصيغينها له بهيئة قصه (اياك اعني واسمعي ياجاره)
انك متضايقه على صديقتك زعلانه ببيت اهلها بعيد الشر عنك
والسبب ان اسرارها حتى الرجال قاموا يسولفون فيها بمجالسهم زوجها ثرثار زي القربه المشقوقه وشوفي تعليق زوجك على مشكلتهم

قمرر زماني • 4 سنوات

معتزة بنفسها :

الله يعينك هذا طبع في زوجك وما بيتغير تعايشي مع الوضع بالتطنيش

الله يعينك هذا طبع في زوجك وما بيتغير تعايشي مع الوضع بالتطنيش

مطنشه والله بس يحط اللوم علي اني انا قاله بركة الراتب واني انشر مشاكلنا وانفعل غصب عني

قمرر زماني • 4 سنوات

غربة الوحده :

شوفي اقعدي مع الام وسولفي وانبسطي وجيبي سيرة إن هالحريم مادري وين يجيبون سوالف أبو فلان الظاهر رجالهم يعلمونهم بكل صغيرة وكبيرة عن بيتنا لا تقولين عن زواجنا ..خليها معكم في الخطر .. عقب قولي الله يكفينا شر عيونهم والله اني خايفة على فلان اللي هو زوجك من عيون هالعالم ألاحظ عصبيته زايدة .. بتصير تخاف على ولدها وتنتهي .. أما زوجك لا تعطينه كل علومك الخاصة قدر الامكان مثل أشياء تخص نتايج حمل وولادة مو على طول يدري حتى لو توصين الطبيبة كانه يدخل معاك في مراجعاتك ..وتبرمجي على كذا .

شوفي اقعدي مع الام وسولفي وانبسطي وجيبي سيرة إن هالحريم مادري وين يجيبون سوالف أبو فلان الظاهر...

دايم اقول ماراح اعلمه بحملي بس غصب علشان يداري تعبي باالوحام بس شكلي المره الجايه باحلفه عالقران لابغيت اقول له شي. يخصني