وش السوات مع بناتي هذول !!!!

السلام عليكم ورحمة الله وبركاته

والله يا اخواتي ما ادري وش اقولكم بصراحة قبل سنتين بناتي
كانوا نظيفات ويحبون تنظيف البيت وطول الوقت يساعدوني
والحين ومن سنتين اشوف تنظيفهم اي كلام ولما اكلمهم باسلوب طيب
وامرهم بالتنظيف يجلسون يقولون لي طيب الحين راح ننظف واجلس انتظرهم وانتظر
وهم يقولون لي الحين بنقوم وهم جالسين واعيد عليهم اكثر من مرة بنفس الاسلوب الطيب
وبالاخير ما القى اي اجابة فاضطر اني اعصب عليهم وامنعهم من جوالاتهم ولابتوباتهم
لانها نقطة ضعفهم وبالاخير يقومون وينظفون تنظيف اي كلام ..
ياربي شسوي لا كلام حلوووووو ينفع معهم ولانصائح ولا حتى عصبيتي نفعت معهم
ولا حتى التهديد ومنعهم من الاجهزة فاد ابدا مانفع معهم !!!!
ياربي ما ادري كيف اخليهم نظيفات ومهتمات بنظافة البيت وبنظافة كل شي حواليهم
والله حتى المنديل والاوراق اللي مرمية بالارض مايشيلونها
تصوروا بنتي البكر عمرها 19 سنة ولازم آمرها تنظف البيت ولازم اطلب منها تشيل الوساخة
اللي بالارض هذي وهي الكبيرة شوفوا كيف اثرت على اخواتها !!!!
بدال ماتهتم بتنظيف البيت وتعلم وتوجه اخواتها الاقيها العكس هي أشد منهم
الى متى هالحال ملييييت من كثر ما اغير في معاملتي ولا في فائدة تذكر
تكفووووووون عطوني حل معهم ؟؟؟!!!!

ملاحظة :

انا لما اشوف اي شي طايح في الارض او وساخة اروح انظفها بنفسي وارتب وامسح كل شي
هذا اذا كنت نشيطة واذا تعبانة انظف اللي اقدر عليه وفوق هذا اكون على اعصابي وموب مرتاحة
ابدا لهالوضع احس اني ماعرفت اربيهم او اوجههم وانقهر واقول في نفسي هذي اخرت تربيتي انا اللي اشتغل
وانظف وبناتي قاعدات وكأني شغالة والله شي يحز في خاطري لا يساعدوني ولايهتمون للامر !!!!
الله يهديهم ويصلحهم ياااارب ...