وش الغلط في كيكتي الي يخليها مااتضبط معجنه

اختي يمكن تفتحي عليها الفرن بالربع الساعه الأولى
انا عندي لك طريقتي بالكيك ويطلع كأنه جاهز نفس البيتي كروكر
المقادير..
كوب وثلث دقيق + نصف كوب كاكاو بودره + ملعقتين بكينج بودر( يخلط مع بعض)
2 بيض + ملعقه صغيره فانيليا +كوب سكر + كوب حليب + ثلث كوب زيت ( تخلط بالخلاط الكهربائي ثم نضيف لها المقادير الأولى)
بالأخير اغلي نصف كوب ماء لدرجة الغليان وضيفيه بالنهايه للخليط السابق واخلطيهم ومن ثم صبيه في صينيه مدهونه بالزيت ومرشوشه بالدقيق وتخبز على درجة 180 مدة تقريبا 25 دقيقه او الى ان تستوي حسب فرتك وان شاء الله تعجبك الطريقه
ملاحظه ..
لو تريديها كيكه بيضاء من دون الكاكاو يكون المقدار هنا للدقيق كوبين الا ربع ونفس بقيه المقادير

مشكوووره والله يعطيك العافيه
انا ما افتح الفرن في الربع الساعه الاولى

حبيبتى السبب هو ان البيض قليل فيجب وضع 3بيضات
ايضا يخلط السكر مع الزيت ثم يضاف البيض ويخلط جيدا ثم يضاف عليه اللبن وباقى المكونات وضرورى تسخين الفرن مسبقا
ارجو ان اكون قد افاتك

اتوقع ان السوائل عندك اكثر من الطحين
يعني ثلاث ارباع كاس لبن و نص كاس زيت وبيضه
على كاس واحد بس طحين
خليه المره الجايه كاس ونص طحين وبدال اللبن حطي علبه زبادي وحطي بيضتين او ثلاث لانها هي اساس الكيك واذا حسيتيها ثقيله صبي عليها شويه مويه
والصنيه اللي بتصبينها فيها خليها بحجم معقول لاتخلينها كبيره مره عشان ماتعجن عليك
وبالبدايه خلي البيض والسكر يضرب لين يرغي وبعدين حطي عليه الطحين والبيكنج بودر بعد ماتنخلينهم عشان تدخلين فيهم الهوا <<< سر هشاشه الكيك
وفي اضافه اخيره من عندي لو حابه تسوينها
بعد ماتصبين الخليط فالصينيه خذيلك جبن مالح وقطعيه مربعات صغيره ووزعيه على وجه الخليط وخذيلك زيتون اسود مقطع شرائح ووزعيه بعد
واخر شئ جيبي زعتر ورشيه على الوجه ودخليها الفرن وربي ماتشبعين من حلاتها

خلي الفرن حار وضعي الصينية بالفرن والنار مو عالية وسط وضعي الصينية داخل الفرن في الوسط ولا تفتحي الفرن الا بعد ربع ساعة او اكثر شوي على حسب الصينيه ولا تفتحي العلوي الا بعد نضوج السفلي