أختي شوقر زي ماقالت الهندية مو بالساهل يقتنعوا

أنا ولدت بولدي الأول طبيعي وقعدت يومين ..وكنت أبغ أكمل اليوم التاني لكن أتذكر إنهم قالولي إني طيبة وأقدر أخرج خلاص مافي داعي للقعدة ..

وصاحبتي ولدت طبيعي وقعدت أربعة ايام لأنه كانت مرة تعبانة وحالتها تستدعي الجلوس وولدها جا مرة صغير وكان يحتاج عناية فقعدوهم الأتنين

طبعا إذا عملية 4 أيام

والله يسهل عليك يارب

جزاكي الله خير ياالهنديه... والله يهون علينا وعليكي

السلام عليكم ورحمة الله وبركاته

اول شي الله يهون عليكم اجمعين ويسهلها وتولودن بسلامة وصحة وعافية ويرزقكم الذرية الصالحه الخلقة الخلوقه
عليكم بالدعاء ( يالله هون الطلق وحسن الخلق )
وثاني شي ادري بتقولون صباح الليل على قولة عجيزنا الله يجزاه خير
ادري متأخرة والله من زماااااااان باكتب بالموضوع لكن ماعندي شي جديد ولا ودي اضيق صدوركم وتقعدون تدعون علي لاني خوفتكم لكن فعلا تجربتي سيئة بمستشفياتهم

وماشاء الله ماعمري سمعت او قريت عن احد يسب مستشفياتهم الا انا :44:
وعلى كذا تجربتي ماهي مقيااااااس نهائي وشكلهاا واحد من مليون لذلك
ماكتبت هالكلام الا علشان ماترفعون امالكم كثير وبعدين تتفاجؤن بالمستشفى ومعاملة الممرضات السيئة واكيد ماهي كل المستشفيات مثل بعض ولا الممرضات كذلك
والله ماصدقت اطلع للبيت يارب لك الحمد والشكر

وان شاء الله باذن واحد احد الله يرزقكم الدكاترة والممرضات والمستشفى اللي يعاملونكم احسن معاملة ويخدمونكم اطيب خدمة

وكل الاعشاب ترا شفتها قبل فترة بمحلات الهلث ستور
والله تشبة العطارين ابحثي وشوفي اكيد ماتخلى الولايات
الحلبة والله صرعتني ريحتها بالمحل عرفتها من ريحتها والقرفة واليانسون والكمون
كله موجود وماهو مطحون وترا مااقصد الجي ان سي لانه كل اللي عنده بعلب او كبسولات

وايضا مع ضمن الاشياء اللي تجهزينها للمستشفى لا تنسون بطانية او شي دافي تتغطين فيه
ممكن تخلينها في السيارة واذا ولدتي على خير يجيبها ابو الشباب لغرفتك
لان المستشفيات باردة والله تندمت اني مااخذت شي من البيت بغيت اموت من البرد عندهم
من ضمن الاشياء اللي قالولي عليها المستشفى وقلت اذكركم فيها بصراحه ماسويتها
تجهزين السيارة باي قماش او منشفة الله يكرمكم لو انفتحت موية الراس وانت في السيارة
ولا تنسون المرة تاخذينها معك بشنطتك وعلشان مايجيك امساك اكرمكم الله تاخذين بعد الولادة على طول ملين يريحك كذا كثير نصحوني ومنهم دكتورتي
ادري اني حومت كبودكم وضيقت صدوركم بس اللي عندي باعطيكم مابي يصير عندي معلومات ولا تستفيدون منها
فيه ايضا الله يكرمكم الفوط الصحية الباااردة جدا مريحة ومن المستشفى يعطونكم اياها
وايضا يووووووه ياكثر ماقلت ايضا
بخاخ معقم ومسكن للالام هذا زين ان بغيتوه دورته وحطيت اسمه ممتاز
وكريم للرضاعه والصدر

قولوا امييييييييييييييييييين جزا والدينا الجنة وادخلهم الجنة من اوسع ابوابها

من ناحية الغذاء
احرصي على البر اي شي بر والسوائل الدافية
مثلا كورن فليكس بر واحسن نوع توتال Total
سوي مصابيب ( حنيني الله يجزاها خير حطت طريقتها باسبوع الطبخ والمطبخ
وحطي بينها ورق زبدة وفرزنيها ممتااااااازة تقعد فترة طويلة ماتتغير
اخبزي كيك بر نسميه ( فريكة ) افركيه ووزعيه بتبرويرات وعلى الفريزر واذا احتجتي سخنيها بالمايكرويف وبالهناء والعافية مع عسل او لحالها مع تمر
ايضا كمااااااااان ايضا :42:
سوي محلى تمر كميات كبيرة ونفس الشي بتبرويرات فرزنيه مايتغير
واللي تعرف تسوي حنيني انا مااعرف نفس الشي مايتغير بالفريرز
وقريت طريقة لساندوتش تونة الله يجزاها خير
توزعين دجاج منظف ومتبل باكياس الفرن وتحطين انواع الخضار اللي تبين وبالفريزر ووقت الحاجة اطبخيها

على العموم اغلب الاشياء هذه اللي كتبتها تمنيت القى احد يقولي اياها للأسف مااكتشفتها ولاعرفتها الا لما ما صرت احتاجها
يالله الله يعوضنا خير وياجرنا عن تعبنا يارب ويجعلنا بارين بوالدينا

واي سؤال حاضرين للغالين

دعواتكم الله يجزاكم خير بفرج سريع من عنده تعالى

:26::26::26:

:26::26::26:

قولي أمين ياعبير نجد ..
الله يجزاك خير ويوفقك ويرزقك من أوسع أبوابه ومن حيث لاتحتسبين :26:

ما تقصرين يالغاليه يا عبير نجد...
البخاخ المسكن والمعقم وش سنعه!!! وايضااااا ايش هي الفوط الصحيه البارده؟!؟!؟
والاعشاب اللي تقولين عليها بالهلث ستور تغنينا عن اللهوم وهالخرابيط!!؟؟؟ لاني ما ادري هل اوصي اهلي يرسلون لي او في بديل هنا!!
وايضااااااااا ... ايش يا ربي...!! ..... ايه اكياس الشوي اللي قالت عليها سندويشتنا ...وين اقدر القاها؟!؟ قلبت الوالمارت اخر مره ولا لقيتها!!!

وما تقصرييييييييييييين .... وجزاكي الله الف خير ... واذا عندك زيادات لا تبخلين علينا :)