الهنديه

شوفي فيه موضوع بعنوان

السلام عليكم _______والله الواحد يفتقدكم


تكلمت فيه الاخت amonah عن الولاده في الغربه

ان شاء الله يفيدك

سلالالالالام

بنت نت نور المنتدى ولا تشيلي هم إن شاء الله التياسير من الرحمن ...الله يسهل عليك ياااااااارب

على فكرة إنت متى الولادة وإنت يالهندية

خلينا نشوف مين أول

أنا موعد ولادتي يوم 24 نوفمبر

السلام عليكم

ألف مبروك أختي الهندية على الحمل وياربي يتمملك على خير وتولدي بالسلامة يارب

أنا ان شاء الله أول ولادة لي بتكون هنا في بريطانيا..وأنا وحيدة معاي الله وربي يعين...وبلدتي مافيها مخلوق عربي غير أصحاب زوجي العزابية..يعني نفسي أشوف وحدة عربية..والله لاخلا ولاعدم والواحد مايبغا الناس عشان المساعدة بس أقلها تحسي في أحد جنبك

ولا عارفة أيش راح أسوي ولا أعرف أشياء النفاس أصلا وماما ماعندها غير الحلبة واليانسون وغير كذا مافي..ومن فترة رسلتلي حلبة ويانسون...وبس هذا اللي ناوية أشربه باذن الله

والأكل خليها على ربك والله مو عارفة ايش اسوي مع اني اطبخ بس مدري كيف الصحة حتكون وهل عندي طاقة للطبخ

أكيد فيه مميزات وسلبيات للولادة هنا وهناك..

هنا..المميزات أهمها انك وحيدة..يعني مافي زيارات وارتباطات وحتى ماتشيلي هم كيف شكلك وايش لازم تلبسي وايش لازم تقدمي للضيوف حتى وانتي والدة عند أمك انت حتشيلي هم ايش تعبي الصواني وكيف المفرش..و و و و..

غير كذه هنا تقدري بعد الولادة بشهر ان شاء الله أو شهرين تاخذي البيبي في عربية وتمشي منها رياضة ومنها تغيري جو..وجسمك يرجع مشدود..

الجو العائلي بينك وبين زوجك يكبر ويرسخ أكثر ويشوف بعينه معاناتك وتقوى علاقته بالبيبي ويساعدك في تحميمه وتغيره أصلا هو يكون متحمه..غير عندنا تكوني عند أمك وهو يجي لما تكوني انتي لابسة وكاشخة ومحممة البيبي ..وتروح عليه حوسة البيبي وتحميمه والعناية فيه..

يعني أحس هنا أحسن زوجك هو اللي يرعاكي ويحس بالمعاناة..هناك الكل حواليك وزوجك مهمش تماما

ايش كمان...بس

السلبيات..هو انك انتي تقومي على نفسك..تغلي الحلبة وغيره وتشوفي اكل لك ولزوجك ..غير أشياء البيت..حتى لو تكوني منظفة البيت من والى قبل الولادة في الأشياء الصغيرة زي تغيير زبايل الحمامات الله يكرمكم..أكيد المطبخ لايخلوا من الغسيل حتى وانتي تستخدمي صحون ورق..غير غسيل لبسك ولبس البيبي..

النوم ماتقدري تناميه ولافي أحد تخلي البيبي عنده مهما كانت جارتك تعرفيها وترتاحي لها..وزوجك مشغول في الجامعة أو الدوام

ولادة البلد..لاتخلو كمان من السلبيات..أهمها الدوران في الأسواق قبل الولادة تبغي مفرش شكله كذا وعلب المولود شكلها كذا والحلويات من المحل الفلاني والصواني تبغي تزينيها كذا وتحتاري أي مستشفى تولدي فيا..هنا أي مستشفى حيكون أوكي لأنه خدماتهم وحدة عندنا مرة غير ومن مستشفى لمستشفى غير

وعند أمك مهما حاولتي تلبسي بسيط وتكوني بقميص فخم لازم شعرك مضبط والبيبي لابس وجاهز..ويجلسوا على راسك الناس..وأمك مسكينة تتحمل الزيارات والخدمات والعشا ..ويالله صبابة و و و و

عاد انتوا الله يعينكم عندكم أطفال يعني أعباء كبيرة..بس حاولوا تدخلوهم نيرسري ولاشي..لأنه مرة صعب عليكم

الله يعين الجميع

ياقلبي يابنات
والله ضيقتوا خلقي حرااااااااااااااااااام
الله يهونها على الجميع يارب
بشاير
لاتكفين انا يوم قريت ردك غورقت عيوني
معقول مافيه احد حولك ببريطانيا انت وين؟؟؟

اسمعي يالغالية
خوذي من الحين التمر وشيلي الفصم منه وفرمية مع شوي سمن او زبدة
وحطي معاه شوي رشاد(مو مطحون) وشوي حبة البركة ويانسون
وخليها بمكان بارد عشان الصباح تفطري عليها
عودي زوجك من الحين يسوي زي البان كيك بس بر مع حلبة مطحونة
هذي حلوة الصباح بعد
اطحني الحلبة وحطيها في علبة وسكريها كويس وخليها بالفريزر عشان اذا ولدتي تكون جاهزة
انصحك بالعسل مع الحلبة المطحونة اخلطيها مع بعض (يعني ملعقتين عسل مع ملعقة حلبة)
وخوذيها قبل الغداء
جربي تحطي الحلبة مع الشوربة(بعد ماتطبخ الشوربة وتجي تشربيها حطي معها الحلبة)
ايش كمان ياربي؟؟
ايوة الحلبة مالها داعي تفوريها على النار وتخلي ريحة البيت ياسلام
اشتري ترمس رخيص عند اسدا ب4باوند وحطي ملعقتين حلبة وصبي عليها موية فايرة اذا تحبين تكون حلوة حطي سكر واشربيها كاس على الريق وكاس قبل النوم والله اني اتمنى لي جنحان واطير عندك وانفسك ياحياتي

حرم الدكتور ربي مايحرمنا من الناس الطيبة وتسلمي والله لا تغرورق ولاشي وسعي صدرك..الواحد لازم يتعلم ويشوف كيف يتصرف

انا في بورنموث..تصدقي الويكاند اللي راح شفت وحدة محجبة تمشي في السوق مع زوجها أأأأأأأأأأه بغيت أطب عليها مسكينة بس خفت يجيها شي من الرعب..بس شكلهم جايين يتمشوا من بلدة ثانية...مافي غير أصادق حرمة الباكستاني راعي البقالة الحلال...شكلها يجي في الستينات وراسها يقطر زيت شكلي بروح أستخف دمي عندها لعل وعسى تعطيني مئونة رمضان مجانا هههههه

تسلمي على الوصفات

الا قوليلي الحلبة عندي حبوب..وحاطتها في الدولاب..أفرزنها ولا كيف؟؟؟بتخرب؟؟؟؟