الله يعينك يا الهند ية ترى التربية اصعب من الولادة أحيانا
والله يثيبنا وجعل والدينا في جنات النعيم

السلام عليكم أخواتي الحبيبات

بنات لسه ما ولدت....جيت أطمنكم على السريع...يوم الثلاثاء ان شاء الله أدخل الشهر العاشر ولا فيني أي بوادر بس تعبانة للغاية من ظهري......

شربت يا شوقر الزعفران وشربت قرفة..وشربت زنجبيل..وأكلت تمر..وشربت عصير أناناس مافي أي فايدة

بقي الخروع وصراحة ما أبغاه ولا فيني للحوسة اللي حيسويلي هيا..يقولوا يخلي بطنك ماشية حتى وانت تولدي..تخيلي الوضع بس!!!

المهم يارب فرجا عاجلا من عندك يارب..صدقوني صايرة أبي أولد بس أريح بال أمي الحبيبة من كثر قلقها

لكن سبحان الله لكل شيء موعد...ولا أدري متى بالضبط بيجي الطلق اللي يقولي يجيكي فجأة دون مقدمات واللي يقول مدري أيش وأنا أستنى التساهيل من رب العالمين

كل خوفي من العملية القيصرية...الطلق الصناعي خلاص شلت همه وعادي ما فرقت يعني بعد التعب هذا...

يعني خايفة ماشاء الله يكون الوزن كبير وتتعسر الولادة لا سمح الله

ايييييه يا بنات آسفة صدعت روسكم...بس طلع اللي في صدري كله

جزاكم الله ألف خير على اهتماماتكم ودعواتكم وسؤالكم عني

بشاير

السلام عليكم ورحمه الله

اختي الهنديه
ياهلااا والله وسهلاا ياحبي لك اشتقنالك يالغاااليه والحمدلله على سلامتك بس لاتنسين تشربين اشياء دافيه ولا ترهقين نفسك ارتاحي عشان ظهرك الله يعينك يارب وربي فرحت كثيررر يوم شفت اسمك الحمد لله على سلامتك مررره اخرى

بشايروسكره

باعمري ياانتم الله ييسر عليكم...
عليكم بالدعاء والمشي والتدليك على قوله الهنديه والله ييسر لك وعقبال لكم انشاءلله قررررررررريب بولاده طبيعيه انشاءلله .. دعواتنا معكم

اختكم
عهود :26:

الهنديه..

حياك الله..والله يعيينك..

*********

بشاير.. سكر..

الله يهووون علييييكم يارب:26: :26:

هلا و الله بسكر
حرام عليك تقولين يا سرع الدنيا ... احس الشهر الي فات كأنه سنه من التعب و قل النوم
يا ربيه ما تتخيلون وش طول النفاس على الوالده ..

سكر نصيحتي لك نااااااااااااااااااااااااااااااامي و اشبعي نوم ... ووسعي صدرك و طنشي الولاده و متى ما جت تجي .. لاحقه على التعب ..
اما موضوع الاكل اول اسبوع جاراتي ما قصرو . بعدها حاولت اطبخ بس تعبت فا زوجي يوم شافني كذا كسرت خاطره فا قالي خوذي ورقه و قلم و اكتبي لي المقادير و ريقة الطبخ و انا احاول .. و طبعا الصاله جنب المطبخ كل شوي يجي و يسألني .. و الحمد لله عدا ثاني اسبوع .. هو ما طبخ الا يمكن مرتين او ثلاث بس اذا طبخ كثر الكميه فا يمشينا ليومين .. و صار يجيب فطاير من البقاله العربيه .. و عدت .. طبعا بعد كذا صرنا على المطاعم ..
بس اهم شي حرصت عليه الدفا دايما لابسه شراب و بجامه دافيه و صار عندي موعد مستشفى احط ولدي بالكارسيت و البسه جاكيت متين الي يجي قطعه كامله و بعدين اغطيه ببطانيه فوق الكار سيت كله علشان الهواء ما يجي على وجهه .. باختصار اهم شي تتدفين و تدفين ولدك اذا كنت تبن تطلعين ..
و الله يهون عليك و على بشاير يارب

خليجيه الله يجزاك خير و يجعله في موازين حسناتك

ازاهير اللقاء
صادقه والله كله كووووم و قل النوم كوم ..
لا و لو الدعوه انك تقومين ترضعين بس اهون .. ياشين اذا صحيتي و لا الدنيا خبيصه تصيرين من النوم ما لبستيه الحفاظ زين ... يوووووووه شي يضيق الصدر و طبعا على بال ما تغسلين له و تغيرين ملابسه و احيانا ملابسك معه الا و النوم طاير
الله يعظم الاجر بس

بشاير
الله يهون عليك .. خليني اطمنك ترى الي تحسين فيه طبيعي كل وحده حامل لها مخاوف و الله يا وساويس تجيني الله اعلم فيها .. بس الحمد لله يا سرع ما تتسهل .. و كنت اذا تكلمت مع زوجي يقول لي احمدي ربك ترى حريم اول يموتون اذا تعسرت الولاده و انت شايله هم العمليه .. و صدقيني فيه ناس كثير ولدو بعلميه و ما يسبونها .. ترى كلها ولاده بالعكس العمليه ما تحسين بالطلق بس الجرح .. و الجرح موجود حتى بالطبيعي بس على اصغر .. فا وسعي صدرك و اتكلي على الله و ان شاء الله ما فيه الا الخير في كل الاحوال ان شاء الله تشوفين ولدك و تفرحين فيه اهم شي سلامتك و سلامته .. و ترى حتى الطلق الصناعي زين اسرع للخلاص انا قعدت اترجي الدكتوره انها تحط لي طلق صناعي علشان اخلص لاني من يوم 9 و انا معي طلق و ما ولدت الا فجر 11 فا مليت .. و كانت هي رافضه تقول ان قلب الطفل ضعيف .. و سبحان الله يوم اطمئنو علي قلبه قالت راح احط لك بس شوي و الحمد لله ولدت بسرعه يوم عطوني الصناعي ... مقارنه بلو اني صابره على الطبيعي .. ترى كل شي فيه ميزه و عيب فا وسعي صدرك و الله يقومك بسلامه و يسهل عليك ..

هلا بصحن طحينيه
تسلمين و انا اشتقت لكم اكثر الله يجزاك خير

غدو تسلمين الله يجزاك خير


اقول بنات الا وين عايشه ما شفتها شكل حتى من زمان مالها ردود .. عسى المانع خير ..