هلا بالجميع

وعليكم السلام بشاير



ايه تكفي للتنظيف بس مب لتجبير

واذا سويتي شاهي قرفه مع زنجبيل وشوي كمون ممتاز جدا (( الزنجبيل تلاقيه طازج اي اخضر مع الخضار))

ايضا الميراميه تصلحيها شاهي ممتازة للتنظيف وتخفف المغص تلاقينه في المحلات العربيه والسوبرماركات حقاتهم بس مطحون

وزهرة البابونج بعد في محلاتهم والمحلات العربيه وزين بعد لتنظيف وتخفيف الالم

هذا الي تذكرته الحين واذا تذكرت شيراح احطه لكم

هلا بالاخت الخليجيه
و معليش بس قلبنا المواجع عليك .. بس المواجع جايه جايه خلينا نستعد لها ..
الله يهون علينا و عليك و على كل حامل ... بس ما شاءا الله زين مستعده بكل الاغراض اللازمه ..

بس اقول اذا تبي تفتحين محل عطاره علمينا نطلب منك ...

بشاير ..
ما شاءا الله تبارك الله كل هذا و تسألين اذا يكفي .. الشرهك على الي عندها لو نص هذولي .. انا يوم ولادتي الاولى على الحلبه و الرشاد فقط لا غير .. و طبعا مع الحلبه احط عسل .. و بس و ربي لك الحمد .. احس اهم شي لنفاس الدفا تدفي خلي عليك دايما شراب على رجولك علشان تدفى رجولك .. طبعا لا تشيلين شي ثقيل و لا تستخدمين الدرج كثير .. اما موضوع الملح الخشن ,,, فا مو لازم ملح خشن حتى الملح الناعم العادي يصلح ..
بس من الاشياء الي ما ذكرتيها و هي مهمه هو سكر النبات علشان الطفل اذا صار معه مغص تغلين له يانسون و تحلينه مع سكر النبات ..
و ممكن اعلمك اكله مررررره حلوه و مفيده و سهله للنفاس ممكن تعلمين زوجك يسويها لك .. و هي انك تجيبين زبده و تسيحيها الزبده تكون مو مملحه .. يعني بدون ملح ... و لا تكثرين الزبده يعني ربع او نص اصبع .. و بعدين تحطين فوقها ملعقتيم الى اربع ملاعق طحين اسمر
Whole wheat
و تحركينهم مع بعض لمده دقيقتين و يصير شكله شوي متماسك بي مو مره .. و بعدين تحطين فوقه تمر و تقصرين عليه على اخر شي و تحركينه كل شوي و تخلينه م غطى حتى يدفا التمر و بعدين بالهناء و العافيه .. مشكله فيه انه ماله مقادير ثابته يعني كميه الزبده و الطحين البر حسب كميه التمر .. و انت لما توسنها اول مره راح تعرفين اي تعدلين المره الي بعدها .... هي اسمها قشد .. ما ادري انتم تعرفونه و لا لا .. بس هو اكله تحط مع القهوه .. يعني مثل حلة القهوه مو اكلت نفاس بس لانه مفيد زبده و طحين بر و تمر احس انه يصلح لنا .. هذا غير انه سهل و ممكن زوجه يسويه لك ..


امل الروح و حنيني .. مشكورين على التواصل
:17: :26: :26:

يارب هون عليكم اجمعين يامعشر الحوامل
ولا تشيلون هم الله ماراح ينساكم وقلوبنا معاكم

الهندية ياحبيلك اجل حامل ماشاء الله (الف مبروك والله يقويك ويعطيك الصحة والعافية)
بس اخبر الحامل ماتصلح لها البيتزا والا وش رايك؟؟

بالنسبة للاكل
شوفي الاخوات بموضوع ام ثامر الله يجزاهم خير ماقصروا عشان رمضان حاطين الاكل اللي يصلح للتجميد
انا والله ماعندي سالفة بالتجميد اصلا فريزري ماياخذ الا دجاجة وبالقوة بعد
مافيه مكان

قلبي يقرقع حبا لكم يابنات
:26: :26:

بشاير اليانسون اسمه ANISE وموجود وممكن تطلبينه عن طريق النت ..
لكن الكراويه ايش اسمها بالانجليزي وايش فائدتها ؟

طيب يابنات اللي ولدوا هنا شنطة المستشفى ايش حطيتوا فيها يعني هل عندهم غيارات للأطفال؟؟ في السعودية كان فيه الغيارات اللي استخدام مره واحده وماتحتاجين تغيرين لطفلك من اللي في الشنطه الا اذا جيتي تطلعين لكن هنا مادري هل غياراتهم اللي استخدام مره واحده أو مستخدمه وهل ممنوع البس الطفل من اللي معي في شنطتي او عادي وانا يلزموني بغيار معين من عندهم او اخذ من اللي عندي ؟؟؟
وايضا الطفل يتركونه عندك او ياخذونه عندهم ويجيبونه وقت الرضاعه .؟؟؟؟
سامحوني يابنات اسئله كثيرة لكن مالي الا الله ثم انتم الله يبارك فيكم ويوفقكم ..