اختي انتي وين ساكنه والله عندنا مشغل القص 30 ريال والخصل ميش 80 للشعر اللي على الاكناف واللي اطول من 80 الى 150 ريال وشغل جنان الاستشوار بهد 30 ريال
اما المكياج مااعترف به حق الكوفيرات لانهم غالين وكلها 3ساعات وغاسلته بدون فايده
اختي مره عندي مناسبه بغيت اروح كوفيره تسوي مكياج مالقيت سياره كلهم مشغولين رحت جارتي سوت مكياجي وتعاونا سواء طلع حلو
بعدين صرت ادرب يدي كل يوم تحسنت اكثر ومستحيل احط مكياج كوفيره الا لوصار زواج مهم واوقف في الاستقبال يمكن افكر

عااااااااااااد احنااااااااااااااااااااااا المكياااج عندناااااااااااااا حدث ولا حرج!


يبدا السعر من 350 للمكياج,,هذا اذا كان عادي,,واذا سبيشل يبدا عند القلة 500 والباقي كلهم بـ 700...وفيه ناس وصل عندهم بـ1000,,,


لا وفيه وحدة وايد شايفة نفسها ,,تطلبينها تمكيجج تقولج انتي عرووس؟ تقولينلها لا,,تقول اسفة ما امكيج الا عرايس...تبين بسوي لج مكياج خطوبة,,,وطبعا مكياج الخطوبة عندها بـ1500,,,مكياج فقط,,

اما الشعر,,مجرد ما تمسك شعرج تقولج 250 ..واذا سوت التسريعة وطلعت حلوة وهي نفسها انعجبت فيها تقول 300,,طيب توج قلتي 250..!

تقولج لا,,,هذي غير شنيون مادري شنو!


يعني فالليلة اذا سوييتي مكياج عادي تدفعين 550 الى 600,,,واذا سبيشل 1000


والعرايس عندنا صار مكياجهم بـ 3000 وتسريحتهم بـ 2000 يعني تدفع من مهرها 5000 وهي احوج انها تشتري فيهم اغراض بس مضطرة!!


والله خاطري اجمعهم واحاكمهم,,بس شنسوي محتاجينهم ومحتدين عليهم,,,

مع اني اعرف احط مكياج لعمري ولخواتي,,بس الواحد يوم تكون مناسبته يكون مرتبش وما يقدر يركز..فيحجز هاذيل ويفك عمره من العبالة,,!


الله يبارك لنا في رزقنا,,,ويعينا ع طاعته,,والله تبطرنا والخوف يستوي فينا شي من هالعمايل وهالبطرة!!

كل شي ارتفع سسسعره

احسن شى المقااااطعة


الا زواج اخت او اخو فقططططط بنات عم وخوال انتى بنفسك .......<للى يعرفون

بس الشعر ورطة لازم سشوار مشغل والتساريح والويفى لازم ضرورى


وترا دورات المكياج افضل مليوووون مرة بالنت او عند كوافيرة تحبين شغلها

انا والله امس كان عندي فرح اخو صاحبتي والله كلمت نص كوفيرات جده وكل وحده سعرها اغلى من التانيه واحلى شي المكياج يبداء من 150 الي 300 ليش دا النصب الحجه انو ماركات عالميه كل الناس بتشتري ماركات مو بس انتو وياليت اساسهم حلو والله يحطو للسمره نفس كريم اساس البيضاء ويخبصو على كيفهم انا مررره انقهرت منهم وانا اصلا من النوع اللي ما احب استخدم كريم الاساس والبودره كتير قمت فكرت وقلت في نفسي ليش مو بمبلغ 300 ريال او 400 اشتري مكياج واشوف اللي ناقصني وفعلا رحت ماك واشتريت كريم وبودره وكونسيلر عالاقل اشياء اقدر استفيد منها في كل مناسبه مو بس مناسبه وحده واغسل وجهي والحمدلله سويت مكياج بنفسي وطلع حلو وشكرا عالموضوع