وش اللي فينا

لا اخواني يتزوجون ولا حنا نتعافى ونتزوج والام و الأب محلك سر نبي نغير شيء في البيت ممنوع
أتمنى اخوي يتزوج ما دام متوظف لكن يعيقه مشاكل صحية و للأسف وجد أهل ما يشجعونه أبدا
مدمنين مخدرات و معاقين يزوجونهم اهلهم و يشجعونهم وحنا العكس
ما اعرف احس فينا شيء سحر او عين لو واحد من اخواني يقدم على وظيفة يتوتر لدرجة يتمنى ما يقبل ؟! حتى انا بصراحة لو اسمع بخطبة اتوتر وارتاح لو كانت مجرد كلام مدري ما أظن الناس كذا طبيعي التوتر و الخوف قبل اَي تغيير في الحياة بس مو لدرجة نتمنى نخلص من الموضوع و ممكن يكون من التربية للأسف
أتمنى لو كنّا مثل اَي عائلة يزوجون حتى المعاقين عندهم يرفعون من ثقتهم بنفسهم يقبلون التغيير
عندي فلوس ما اقدر أغير شيء في البيت ممنوع لأسباب تافهه و ممكن ما تجي
حاله والله 😁
مدري وش مشكلتي مره أقول عين او سحر و مره أقول شخصيتنا حساسين و التربية
ابوي الله يحفظه و يشفيه دايم على لسانه الله يرزق لكن بدون ما نبذل شيء عنده الدنيا تمشي بالبركة و رزقك يجيك و حنا بخير وكنا وكنا 😁
الحمدلله على كل حال وبس
طولت عليكم انا والله مريضه جرثومة المعدة أتعبتني من كم سنة بس ودي أغير حياتنا ودي اخوي يتزوج ودي أسوي شيء ونصير مثل الناس مو على حالنا وتمر السنين