!!!وش اللي فيني بالضبط تعبت من نفسي!!!

السلام عليكم ورحمة الله وبركاته
والله مو عارفه من وين ابدأ حاسه بضيقه شدييده
انا مشكلتي ماادري كيف اوصفها هل هو خجل او رهاب !!
لما اطلع للناس يجيني توتر واحس نبضات قلبي تضرب واذا جيت اتكلم جبت العيد مااعرف اشرح اللي بداخلي افضل الصمت في اكثر الاوقات وهذا الشي اتعبني اتمنى اتكلم بطلاقه وفصاحه دايم اشوف ناس اصغر مني وماشاء الله لاقوة الابالله لساانهم فصييح ماتبغونهم يسكتون وانا اذا جيت اتكلم اختصر كلامي لاني اتلعثم وماادري وش اقول ،، احيان لما اتابع مع زوجي مسلسل مثلا او برنامج يجي يقول لي وش صار اجلس اصرف واقول مدري ماانتبهت وفي الحقيقه انا متابعه لكن ماعرف احكي الامور بالتفصيل اااخ تعبت من وضعي هذا !! حتى بين اهلي والجماعه تلاقوني عالصامت ابي اتغير اصير احكي واسولف طبيعي والكل يحب جلستي لكن !!
حتى زوجي صار يتضايق من سكوتي وانا تعبت من وضعي ،، ع فكره عندي بنوته عمرها خمس سنوات لحد اللحين مافصحت صح وزوجي دايم يلومني يقول انتي السبب كلامك قليل!! تعععبت ورربي مدري وش اسوي
اللي بتشوف رسالتي تدعي ان ربي يقويني ويرزقني الفصاحه والطلاقه 😔