وش اللي مع شغالتنا الأندونيسيه؟!

السلام عليكم و رحمة الله
صباح الخير للجميع
بأقولكم عن سالفة خدامتنا اللي سافرت قبل 5 شهور وهي من الجنسيه الاندونيسيه ..
طبعا هالخدامه جلست عندنا خمس سنوات بالتمام هي كبيره في السن موب صغيره ، ومن خلصت سنتين و احنا مو مرتاحين لها أبدا بس هي قالت ابي اجلس سنه زياده لأني ابي اجمع فلوس وكذا قلنا عادي اجلسي ،و بعد هالسنه اللي جلستها تسكر الأستقدام من اندونيسيا و احنا خليناها على كيفها متى ماتبي تسافر تقول لنا بس و نحجز لها ..
يوم قربت تتم 5 سنين قالت خلاص ابي أسافر اشوف عيالي >>توها تشتاق لهم استغفر الله بس
المهم فرحنا و جلسنا نعد الايام متى تخلص علشان تسافر ، اقترحت على امي نفتشها عند مفتشه لأن امي الله يجزاها بالخير ماتحب و لا تعرف شيء اسمه تفتيش خدامات راح لنا خدامتين قبل هالأندونيسيه ما فتشتهم ، قلت هالخدامه يايمه غير هذي جالسه 5 سنين و عليها حركات غريبه و فوق كذا موب مرتاحين لها
،
،
جاء اليوم اللي بتسافر فيه و بعد ايش وافقت امي نجيب مفتشه تفتشها ، طبعا ركبنا شناطها اللي كل شيء فيها جديد مع اخوي و قلنا ودّها للمطار و الشغاله بنجيبها اذا خلصت المفتشه ، قلنا لها يله الحين بتروحين للمطار تجهزي و قلنا لا تأخذين شيء من أغراضك القديمه خلاص كل شيء شرينالك جديد ، سمعت كلامنا وخذت معاها بس شنطه صغيره معها من اول ماجات لنا و كيس فيه أغراض غير شنطة اليد حقتها ..
جات المفتشه للبيت و فتشت أغراضها و خليناها تأخذ منها الشناط لأننا شارين لها جديده ..
المفتشه عارفه شغلها معها و كانت تأخذ منها اي شيء مشكوك فيه و ترميه بالزباله اللي جنبها المهم طلعت من المفتشه مامعها الا الكيس و مافيه الا المصاحف اللي كانت جايبتها معها و تقرأ فيها و الكتب اللي جابتها لها امي من مكتب الدعوه ..
و كانت الشغاله زعلانه من أسلوب المفتشه ليش تهاوش و تأخذ اغراضي كذا ..(( و الله العظيم اول مره اشوف شغالتنا مصفر وجهها من الخوف من المفتشه، لأنها كانت تهاوشها بقوه ))
ودّيناها للمطار و خلصنا منها
و المفتشه بعد ماحاسبناها عطتنا الكيس اللي جمعت فيها أغراضها قالت كبوها بالزباله ..
طبعا انا خوفتني المفتشه وهي تفتش شافت كتيب و فيه كلام الشغاله كاتبته عليه و في الصفحات اللي فاضيه من الكتيب راسمه رسمتين على شكل بنتين لابسين فساتين و فيه كلام فوق مكتوب ، (قامت المفتشه تهاوش الشغاله وتقولها ياحراميه و ياساحره و ياكذابه ليش راسمه هالسحر الله لا يوفقكم )
انا كنت موجوده معهم و خفت يوم سمعت المفتشه تهاوشها
قلت الله يأخذها معقوله تسويها و احنا كنا كويسين مررره معها والله ماتعتبرها امي الا مننا و اي شيء نشتريه نجيب لها معنا..
المهم يوم عطتني المفتشه الكيس اللي فيه الأغراض حقت الشغاله و قالت كبوه بالزباله رحت و أخذت هالكتيب و الباقي نطلته بالزباله ..


و هالكتيب له عندي تقريبا 5 شهور وهو في دولابي ، يوم أخذته كان جاي على بالي اوديه لأحد يقرأه و يشوف وش تفسير الرسمه و الكلام بس الحين اقول بأرميه وان شاءالله مامنه شر ..

وش رايكم ياأخواتي شوروا علي وش اسوي فيه ووين اوديه ؟؟ الله يجزاكم الجنه و ووالديكم