انا صادني موقف يموت من الضحك في يوم الي جاااو اهل زووجي يخطبووني ....

ام زوجي وخواااته جووو الخطبه .. وام زوجي بدل ما تقول حنا جايني نخطب بنتكوووم الي هي انا رااحت قالت اسم اختي :D .. تخربطت بالاسم ................. هههههههههههههههههههههه .

وبعدين عدلت الغلطه ... عااد شفااايده للحين خالتي يضحكوون علي ..

جااوي لي ركيض يقولوون لاختي مبروووك مبروووك خطبووووك انتي ما يبغوون اختك ..

وانا متعدله ومتكشخه واطالع مستغربه شنو السالفه ..

ولما عرفنا السااالفه متنه من الضحك :22:

دله قهوه ..

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه.. ذبحتيني من الضحك .

واااااااااااااااااااااي هههههههههههههههههههههههههههههههههههههههههههههههههههههههههههههههههههههههههههههههههههههه

خخخخخخخخخخخخخخخ منتب صاحين على هالمواقف:o

ام فيصل والله شكلك ناسيه نفسك بالمرررررررررررة

درة البحرين والله لو اني منك كان احقد على اختي :30: :mad: هاذا اللي ناقص تاخذ زوجي بعد بس وربي موقفك يفطس ضحك;)

ذكرتني بأيااااااام...

سالفتي تضحك..

أنا انخطبت في اول سنه لي بالجامعة.. عاد انا شالة فكرة الزواج من بالي ...
ذاك اليوم ما ادري شو دق على بالي اتصل بأمي من الجامعة.. قالت لي انها مشغولة تجهز حلويات وعصاير..

قلت لها: ليش في ناس يايين يخطبون؟عاااد سوالف..
قالت لي: مالج شغل..

ولما رجعت البيت تسبحت وكنت غااسلة شعري.. والماي ينقط عااااد:05:
دخلت اختي علي قالت شوفوا هاي ويا شكلها...
قعدت اختي مع امي عدالي وقالوا والله في ناس يايين يخطبونج واحينه واصلين..

قعدي بس 5 دقايق واظهري من الغرفة..

عاد قلت انا يالا.. شو عرس شو خرابيط.. ما ابي اتزوج...

امي قالت عيب عليج يابنت.. ولا شوي دق الجرس ويت ام الولد وجدته وخالته.. وبعد صديقة لهم وهي بعد ربيعة اختي..
المهم هاي الصديقة على طووول دشت الغرفة وتعرفيني وطاحت فيني لما شافتني شي.. وقامت وعدلتني وطشختني.. وانا ما ابي..

المهم 5 دقايق وطلعت ورديت قعدت على الدراسة.. حمصية وفايقة :eek:

المهم وثاني يوم دقوا على امي.. والله الناس بيون بعد يومين ووبيبون الولد عسب تتعرف عليه العيلة بس هو ما يبي يشوفني.. ها كلام امه..

واخوي عااد استفسر عن الولد وسأل وعقب يا وكلمني.. واقنعني فيه.. بس في قرارة نفسي ما ابي اتزوج بعد صغيرة..
قلت مب مشكلة خلي كل شيء يعدي وعقب برفضه.. "على كيفي ;) "

المهم ويا اليوم الموعود..

الصبح قالت لي حرمة اخوي والله اخوج شاف االريال.. وهو طوييييييييل وضعيييييييييف.. عاد حرمة اخوي تبالغ وااايد.. هني قلت اوووه لازم اشوفه عاد..

قالوا لي الناس بتوصل بعد صلاة المغرب..

شوفوا الحرامية انا عاد اشتغلت.. لوب ما سمعت الجرس ولا على طووول رحت فوق البيت قلت اشوفه دام انه مايبي يشوفني..

ولا اشوف منو.....





























هندي داخل البيت..

ضحكت على عمري..

ورديت البيت تحت..

ودق الجرس..

بعد ركضت فوووووووووق طيران ولا سيارة الخبز....

سالفة طوييييييييلة لا..

المهم تعالوا بكمل لكم..

بعدين دق الجرس.. ولا امي تقول وصلوا وصلوا الجماعة..


عاد انا فريييييرة فوق على السطوح اناظر صوب مجلس الرياييل..

واشوف ناس .. ريال ورا ريال .. يمكن فوق العشر.. ولا واحد منهم ملتحي أو لحية خفيفة.. وانا اللي سمعته انه ملتزم ولحيته طوييلة...

قلت يمكن ما ياه.. ابركها من ساعة..

خليني اسير صوب مجلس الحريم واشوف منو ياي من اهله الريال.. ولا اشوووف الحوش نصه حريم..

قلت وييييه.. شوهو مزاد ولا سوق.. الا هي خطبة وانا بعدني مب موافقة وكل ها العالم....

ولما بغيت انزل.. ولا اشوف باب مجلس الحريم اللي مجابل باب السلم مفتوح والحريم قاعدة..

وانحبست عند السلم ما اقدر انزل..

وقعدت.. وصبيت عرق.. وانا زايغة.. والكل يدور علي..

شوي وقفت خالتي بالباب.. ولا انا بسرعة انط من على السلم على غرفة اخوي القريبة من السلم.. واتصل على البيت وترد امي.. تثول لي: انتي وينج الناس تترياج؟

قلت لها : صكي باب المجلس حق اروم ارد الغرفة..

ورحت الغرفة.. ولا اشوفلج ام الريال تترياني.. وعاااد انا غرقانه من العرق..

ياوييييييييلي ويا فضيحتاه :09:

وبسرعة من الحيا ركضت الحمام ونسيت ثيابي بالغرفة.. وخذيت لي دش ماي .. وبعدين طبعا ناسية ثيابي.. قلت لأختي تطلب من الوالدة تطلع حق اروم اظهر من الحمام..

وبسرعةو دبرت نفسي..

وتلبست وحطيت بس كحل وروج خفيف..

وطلعت للناس.. وياربي كم كنت منحرجة.. دخلت مجلس الحريم وانصدمت من الناس..

تخيلوا.. المجلس كله حريم ومافي مكان اروم اقعد فيه.. وبعدين سووا لي مكان تعرفون وين.. بين الجدتين من صوب الاب والام..

ياحلاتني.. عاد قعدت وكل جدة تمت تتطالعني وتشوف في عيني وشعري.. وانا خلاص بنفجر من الغيظ..

وقمت طلعت من المجلس ورديت الغرفة وقعدت اصارخ على خواتي.. قلت لهم.. ما ابي اعرس شو هاي المسخرة.. انا مب بضاعة.. وشوي اسمع اخوي ينادي تعالي بسرعة..
واشوف امي واختي الكبيرة يايني ويقولون: امسحي الروح والكحل والبسي شيلتج وعباتج..

قعدت اصيح واصرخ.. ما ابي ما ابي..

اللي يقول رايحين يذبحونها..

المهم ولااسمع بعد صوت اخوي تعالي..

رحت عند اخوي وانا اصيح ومسكته من ثيابه اترجاه.. قال لي هاي سنة الله ورسوله..

قعدت اصيح ورحت لبست الشيلة والعباية.. وسحبت امي وخالتي..

واخوي وقف بالغرفة معاي وقال: اوقفي هناك على الزاوية..

جان اعصب: قلت شو عرض ازياء..

ناظرني اخوي بطرف عينه وقال عيب..

وشوي ولا دخل الريال..

ووقف مجابلني..

عاد هني انا ذبت من الخوووووووووووف..

وقعدت اطالع صبع ريله واشوف خيط ابيض صغيرعند ريله.. واقول في خاطري عيب شو هاي البيت وهاي الشغاالة فضحتنا..

ما ادري منو اللي فاضح منو.. والريال يرمس عن الشرع وان الله ورسوله شرعوا حق الرؤية..

ياويلي من اولها ..

واخوي يقول تبين تقولين شي.. وانا

احرك ايدي من تحت كأني اهش على الهوش والعنز .. اقول له.. بس خلاص مافي شيء..

ابي الموضوع يخلص واطلع من هاي الورطة..

والريال يرمس.. اوووف ويا هاي الحالة..

جان اقول بكل جرأة: انا عندي طلب واحد.. اكمل دراستي..

قال انه ما عنده مانع..

انا قلت انه بيقول شيء... ياحسرة قلبي في ذيج اللحظة.. وانا اناظر الخيط الطايح..

المهم وطلع وطلعت انا وقلت لأمي انا مب موافقه..

الا وهي تقول للناس بعد كم اسبوع والله احن موافقين وانا ولا ادري بالسالفة..
وقعدت اصيح ما ابي اتزوج..

"بس بيني وبينكم انا كنت موافقة"

زالحمد لله احينه صار لي 4 سنوات معرسة منه وعندي منه ولدين الله يخليهم لنا يارب..

وكل ما نتذكر السالفة نقعد نضحك على بعض..لأنه يخبرني اشياء كانت في خاطره في هذيك اللحظة انه هو بعد ما يبي يعرس.. من شي كان يتكلم عن الدين حق يطفشني بس شاف اني تعلقت به..:32:

والله يهدديه ويثبته على الدين والحق ويبعد عنه الحرام ويخليه لي ولعياله.. اللهم آمين

هههههههههه..

و خاصة سالفتك طائر الطنان .. و الله ما قدرت أمسك روحي من الضحك ...

ههههههه .. موقف يفطس ضحك ..


و شكرا جنا الجنان على الموضوع الحلو ..