وش الوضع سلامات

وش هاللي يصير في الاسواق والمحلات
عادي وانتي تمشين في امان الله تجي عينك بعين وحده تعطيك تشميقه ونظره تعالي من فوق لتحت! سلامات والله شي غريب ترى ما اتكلم عن نفسي وبس لا وربي ياكثر مااشوف بالاماكن العامه هالنظرات الغريبه لبعضهم البعض



والله مره كنا رايحين مطعم انا وزوجي وزوجي قال اسبقيني انا بركن السياره وبس فتحت باب المطعم ودخلت ووقفت عند الباب انتظر زوجي وغصبا عني جات عيني بعين وحده جالسه قدام الباب يعني غصب طيب بتجي عيني بعينها لا خزيتها ولا بحلقت بس جات عيني بعينها وتعطيني ذيك النظره قسم بالله كأني قتلت واحد من اهلها عطتني ذيك النظره ناظرتني باحتقار من رجووولي لفووووق بقمة الاحتقار ولفت عيونها عني وهي ترمش بشوفة نفس نظره مدري شلون اوصفها لكم حقاره كني ذابحه لها احد المشكله لو اني زايده عنها بشي بقول غارت انا لكن وياها ببراقعنا وعباتنا عاديه طبعا انا صرت واقفه لها ماتحركت وانتظرها الكلبه تناظرني عشان ارد لها نظرتها وهي ماعاد لفت ناحيتي صرت واقفه قدام وجهها ابي بس تناظر عشان اهزاها بعيوني والحرمه ماتناظر ناحيتي لين ناداها الويتر وانقلعت وانا اخز فيها انتظرها تناظر ناحيتي لكن ابدا مشت وهي ما لفت ناحيتي
ومره كنا بالسوق جالسين وقت الصلاه وشلة حريم قاعدين بالارض وتمر وحده وسطنا بتعدي والشله يناظروها بنظرات عاااديه وهي ماتدري انا شايفتهم شوي هاللي تمشي ناظرتهم وبس جات عينها بعينهم عطوها تشميقه الله لايوريكم استحقروها من فوق لتحت نزلوها وطلعوها بعيونهم ومطيرين عيونهم عليها طيب انتوا تناظروها وهي ممنوع تناظركم؟

ومره كنت بالشارع و ولدي طاح وصرت اقومه وهو مو راضي الله يهديه تعرفون الاطفال يعاندون وشوي بنتي الصغيره تقولي ماما شوفي هالحرمه من اول تناظرك وبس قام ولدي رفعت عيني لها الاقيها مسمره عيونها علي طنشتها ووخرت عيني عنها عادي وربي ووقفت انتظر سياره زوجي والتفت يمين ويسار ادور السياره وجات عيني بعينها وانا ادور السياره لقيتها لسه تناظرني قمت حطيت عينها بعينها وعلى طووول عطتني نظرة حقد نظرة الـــ ليش تناظريني؟ كانها تقول لي سلامات ؟ تخيلو زعلت عشان حطيت عيني بعينها ؟ يعني انا اخزك ايه انتي تخزين لا ؟ وبسرعة البرق تعطيني نظرة استحقار من فوق لتحت بحقآآآآآره وحقد حتى بالافلام والمسلسلات ماشفت اقوى من نظراتها اللي ما انسى شلون شالتني وحطتني واستحقرتني اخر استحقار بعيونها لدرجة دعيت على عيونها بالعمى انتو لو مكاني كان دعيتوا بأكثر

آآخ ياللي ماتستحين يعني تخزين الناس وتبيهم مايخزونك !!!!!!!! والله ونفس الشي ابي ارد لها نظراتها صرت انتظرها تلتفت ناحيتي عشان اوريها الاستحقار على اصوله لكن معصي عطتني ذيك النظرات الوسخه وصدت
انا مو فاهمه الحريم بالاسواق والمطاعم والمستشفيات يناظرونك بلقافه و يزعلون لو رديتي لهم نظراتهم ويعاقبونك يعطونك نظرات استحقار لو ناظرتيهم طيب الناس زيك ياحلوه مايحبون احد يناظرهم واذا ماتبين احد يناظرك انتي بعد لاتناظرين!
انا عني كذا مره امشي بالسوق وعين وحده تطيح علي لايمكن اشمق لها او اعطيها نظرات استحقار ليش يعني ذابحه لي احد ؟ ولا بيننا عداوه ؟ لكن اللي اشوفه غالبيه الحريم لا والله لو جات عينك بعينها تشيلك وتحطك بعيونها من تحت لفوووق نظرات حقد المشكله انتي وهي نفس الشكل كلنا بالعبايات ومتغطيات