وش الي يخلي اختي تأثيرها جدا قوي على امي

مساء الخير
عندي اخت اصفر متي ما اقول ان امي تفضلها لا بس امي ما تناظر عيوبها واي شي تسويه صح عكسي تماما اظرب لكم كل الامثله
هي جسمها مليانه انا بعد ما جبت ولدي زاد وزني وهذا شي طبيعي امي صارت بس تقول لي انت سامنه سامنه شوفي فلانه جايبه ٥ وماشاء الله عليها. رشيقه وكل ما ازورها وتفتح الموضوع اغير السالفه بس هي طول الوقت مالها سيره الا جسمي حتى مره قلت طيب اختي بعد سمينه على الاقل انا سمنت بسبب الحمل اختي تاكل في الحلويات والوجبات السريعه ليل نهار المهم الان انا سويت حميه نزلت ماشاء الله ١٠ كيلو ومن زمان ما شفت امي يوم زرتها سئلتها فيه شي متغير قالت لا قلت هو ناحفه قالت عادي هذا جسمك من اول ما عرفتك يعني امي ما تمدح اي شي إيجابي فيني بس السلبي تجلس تعلق عليه ليل نهار اختي زاد وزنها أكثر حتى هي تقول لي انها زايده ملابسها ضايقه وتجلس تاكل حلويات بشكل جنوني قلت لها يا اختي انت على وجه زواج خففي شوي عشان لبسك يطلع حلو صراحه اختي زيادة وزنها واضحه المهم جلسنا نسولف انا وامي عن خطبتها حبيت اختبر امي قلت ليت وزنها ينقص وتبطل ها الحلويات والوجبات السريعه تخيلو رد امي قالت والله انها يا عمري ناحفه شكلها تفكر قلت اي ناحفه وزنها زايد وانا الي ناحفه ١٠ كيلو تقولين هذا جسمك ما تغير وبعدين اختي مو شائله هم خطبه هي بارده برود فضيع حتى تقول مو هامني شي الصراحه انا سويت حميه مو عشان امي عشان صحتي
٢ - موضوع الأظافر انا أطول اظافري فقط شي بسيط مو مره واسوي بديكير وانظفها دائم وامي بس تقزز مني اظافرك اظافرك
في المقابل اختي اظافرها أطول مني بكثير وامي ابدا ما تعلق عليها وتاكل من طبخها مره امي تقززت مني قلت طيب هذا اختي شوفي اظافرها وكمان جالسه تلف ورق عنب امي اذا قلت لها حاجه عن اختي تقولب عيونها وتدور عذر لختي
٣ - قبل زواجي عباءتي كانت واسعه فراشه وخمار او طرحه طويله وامي بس تنتقد تبغاني البس على الراس والله انها كانت تكرهني في الطلعه بيبب العبائه الان اختي عبائتها مره ضيقه صدرها وجسمها مره باين والموخره وهي مليانه طرحتها جدا صغيره مره كننا جالسات قالت اختي ابطلب هذها العبائه ومعها شيله ايش رايك تطلبين لك وحده قلت لا ما تناسبني هذه ضيقه قالت لي مو لازم تلبسين ها الخمار خلاص ما احد يلبسه واطالع امي وامي تايد كلامها انصدمت صراحه بس قلت لا يمكن البس عبائه زي كذا وزوجي يرفض
امي بس تنتقد الحريم المتبرجات والعباءات الغير ساتره قلت لها شوفي عباءة بنتك قالت على الاقل عباءة بنتي سوداء ماهي ملونه