وش انتي من مره تعالي اعترفي بصرااحه

هلا بنات عندي موضوع رافع ضغطي وودي نتناقش فيه عشان اعرف الصاحيه من المجنونه :hahaha:

الزبده يا طويلات العمر ان فيه ناس ما تستحي ولا تعرف الذوق والمشكله والمصيبه انهم متعلمين يعني عيب عليهم هالحركات اكييييييييييد مستعجليييين تعرفون وش السالفه

تخيلي مثلا بيوم كنتي حاطه على شعرك صبغه او حنا او جامعه الملابس اللي محتاجه كوي في الصاله وودك تكوين وانتي تشوفين التلفزيون وفجأه وبدون سابق انذار يدق جرس البيت الا هو وحده من الجيران مسيره ومروقه انتي بهالحاله وش موقفك :35: اكيد ودك تزنطينها ههههههه لغير الناطقين بها يعني تخنقينها و:08:

السؤال هنا انتي سبق وسويتي هالموقف ورحتي لناس بدون ما تتصلين وتعطينهم خبر طيب ليييييييييش ياحلوه تسوين كذا وانتي متعلمه يفترض انك تعرفين الذوق والاتيكيت وما تروحين لناس على فجاه لانك اكيد ما تحبين احد يحطك بهالموقف
ولو كنتي مستحيل تسوينها هل سبق وانحطيتي بهالموقف وجوك ناس بدون لا احم ولا دستور وكيف كانت ردة فعلك

انا من سابع المستحيلات اروح لاحد بدون ما اتصل قبل بيوم على الاقل حتى اهلي ما اروح لهم بدون اتصال

بس بنفاسي يصبح دمي مهدر عند بعض الحريم وخصوصا الجيران ويعطون انفسهم الحق انهم يطبون فجاه واذا لمحت لهم عن الاتصال قالو عادي عارفين النفاس ما تطلع يعني اكيد بنلقاها طيب فرضا اني موجوده بس مريضه او نايمه او عندي ضرف وما ابي اشوف احد كيف يسمحون لانفسهم يجون كذا المشكله هم ما يرضون احد يجيهم بدون اتصال طيب وش قلة الذوق هاذي انا عادتن في نفاسي يطيح رحمي وارجعه :hahaha: من كثر ما اطامر وراركض واخم واخطي اذا دخلت على وحده فجاه وخصوصا اذا ما عندي شغاله:icon33: وعيالي ناثرين شناط المدرسه وقاعدين يحلون دروسهم وابونا يتغدى وانا منسدحه وشيفتي تقل مدمنة مخدرات من قلة النوم والسهر والتعب وفجاه تجينا مداهمه من هالاشكال اللي ماعندها ذوق زوجي يقول قولي لهم يا يتعلمون يتصلون قبل يجون ولا لا يجون يقعدون ببيوتهم ويفكونا من قهوتهم اللي ماوراها الا المغثه :mad: هههههههههههههههههههههه
انتم وش رايكم لا تنسون الصرااااااااااااااااااااااااااااحه مهمه

يالله كل وحده تدي بدلوها علشان اللير قد سوت هالحركه في غيرها نقدمها للمحاكمه وكل وحده تكون صريييييييييحه ما نبي مثاليه علينا ومن ورانا فاقعه مرارة غيرك هههههههههههههههه:11: