وش باقي مبعد سويتة دلوني؟؟؟ ومازال يشرب

اخواتي
انا متزوجة من 9 سنوات وزوجي من اول زواجنا وهو يشرب يوميا الله يصلحه ويعتقه عاجل غير اجل ومن ابتلى مثله

مافي شي ماسويته
بالاول كنت صغيرة ومطنشة
خصوصا ان اهلي مرررة علاقتهم معي مو طيبه يعني امي تضربني ابوي مايصرف علي
اخواني يهينوني ويضربوني عشان كذا اتزوجت صغيرة مررة ولما عرفت انه يشرب وهذا حاله ماقدرت اتطلق وارجع لحياة انا هربانه منها

وزوجي كل ماكلمته عن الشرب هاوشني وقال انا باتركه بارادتي لاتجبريني لا اصير اشرب طول اليوم ويطلع ويترك المكان
ويوعدني بيحاول ولا اشوف شي

بس بال4 سنوات الاخيرة مررة متضايقه وكل ماكبرت بعمري كل مااتضايقت
ماودي يكون زوجي اللي كنت احلم فيه هذا حاله
ولا ودي عيالي يكبرون ويدرون ان هذا ابوهم وقدوتهم

بحملي بولدي الاخير كنت انتظر الولادة على احر من الجمر عشان ادعي وقتها ان ربي يعصمه ويهديه

مافي شي ماسويته معاه
نصحته باللسان الطيب

سويت بحث ووريته

بكيت وانهرت عنده

خليته يتخيل شكله لو شافه احد عياله

دعيت له
واصلي وبنهاية الصلاة ادعي
اتصدق بنية الفرج
اشغل سورة البقرة كل يوم

بس بعده ماتركه الله يصلحه

وش اسوي
صحيح الشرب مصيبه
لكن المصيبة الاكبر
اذا شرب وصار بحالة السكر ممكن يضربني ويطلع كلام مخزي
اقرف منه بشكل يخليني ابكي انه يحط نفسه بهالموقف ويخليني اقرف منه
ممكن القاه يكلم بنات او يطلع من البيت الساعه 4 الفجر مثلا ويرجع اقوله وين رحت يقول مدري

مابي احد يدري عن سالفة شربة لا اهله ولا اهلي محد يدري عنه
لان املي بالله كبير انه يجي اليوم اللي يستقيم فيه ويترك هالمصيبه
وقتها مابي احد يذله بالسالفه او يعايرني او عيالي بابوهم

مررررررررة تعبت قولولي وش ناقص مبعد سويته وانا اسويه

الحين بديت بالاستغفار بنية ان ربي يصلحة ويهديه ويفتح على قلبه

تكفون اذا ماتعرفون وش تساعدوني فيه

دعوة منكم بتصير بعد مساعده لعلها تصير وقت استجابة ويجعلكم الله سبب فرج له