وش بتسوين لو كنتي مكاني ؟؟؟

بنات بسألكم سؤال يمكن موضوعي بسيط بس بشوف ردة فعلكم انا زوجي طبعاً كثير كثير كشفته يكلم بنات بالسناب ومرتين رحت لأهلي زعلانه وتكلم معاه اخوي اكثر من مره ويرجع وكل مره يوعدني ويقعد يقول وش تبغين عشان ارضيك ويعترف لي بغلطه ويقعد شهرين سيدا وبعدين يرجع لهالحركات عاد هالمره رجع لحد يقولي لما تشوفين بعينك ! لاني متأكده انه رجع المهم اول شي السناب مستحيل يفتحه عندي مستحيل يروح جهة الدردشه واذا وراني سنابه يوريني وعلى طول يطلع من التطبيق كامل حتى السنابه مايطلع منها ! يقفل الصفحه والسنابه شغاله ولما يكون بدردشه السناب بس اجي يطلع اذا دخل السناب وكنا منسدحين يروح يعطيني ظهره واحياناً لما اكون نايمه وافتح عيوني فجاءه يروح يطلع على طول من الصفحه طبعاً انا افتح عيوني فجاءه بتقولو مايمديك تلقطي الايموجي ولا الاسم مايمدي للاسف معاي ضعف نظر 😭 بس اعرف انه داخل السناب يوضح شوي احياناً توصله رسالة سناب يقوم ويدخل الحمام ! وذا كله ترى مسويه اني هبله ومو ملاحظه شي ومره كان على الجوال وجيت مزحت معاه فجاءه الى هو ينزل الجوال على صدره يحسبني جايه اشوف مع مين يسولف ! ووجه قلب اللوان قلت وش فيك ترى جايه امزح معاك قام يضحك ضحكة الفشله قلت مع مين تسولف قال مع واحد قلت طيب ليه تغطي جوالك ؟ قام يضحك طبعاً ماقفل جواله قلت اشوف الا هو يغطي الجوال بيده وقال لا وخري ووجه خايف وطنشت المهم وفوق كل ذا مخصصني بالسناب ! طبعاً انا مره تهاوشت معاه ورحت طيرته من السناب قلت ليه عندك وانت مخصصني وهو سافر له ٤ ايام واليوم ارسلي هاتي سنابك بكلمك فيديو قلت صورلي ملف التعريف حقك اضيفك تدورن كيف صوره طبعاً لما تصوري ملفك التعريف مو يطلعلك اشكال الناس اللي اخر شي سولفتي معاهم المهم هو مصور وقاص اشكال فيسات الناس اللي تحت ! طبعاً طنشت وضفته وسولفت معاه فيديو وعادي بالله لو انتو مكاني وتشوفي كل ذا وش بتكون ردة فعلك ؟؟ وزوجك كويس معاك كمعامله ومصروف بس له بطريق البنات