اذا قصدك على وجبات الريوق والغدا والعشا .. فأفضل شي التنويع علشان الطفل ما يمل ..
ممكن تسوين لوبيا أو حمص ( دنجو ) أو باجيلا >> يكون مسلوق بماي وملح لحد النضج .. لذيذ ويحبونه الاطفال .. اللوبيا بعد ما تنضج اعصريلهم عليها ليمون تطلع الذ ..
سويلهم بيض و كل مره شكل علشان ما يملون .. مره مسلوق ومره مقلي وممكن اذا سلقتيه تييبيلهم قطاعه البيض وخليهم هم يقطعون علشان يستانسون أكثر وياكلونه ..
ييبلهم توست وقطاعات أشكال وخليهم يقطعون وياكلون و حطيلهم معاه على جنب جبن أو لبنه أو نوتيلا واللي يقطع يسويله اللي يبيه فالتوست وياكله ..
الشوربات خفيفه ولذيذه و مغذية ... سويلهم شوربة شعيريه مع شوفان و ليمون .. شوربة فطر .. شوربة بروكلي .. شوربه خضروات بس اخلطيها فالخلاط لانه بعض الاطفال ما يحب منظر الخضروات .. شوربة الهيليون .. و ممكن تاخذي الشوربات الجاهزه خاصه شوربة الحروف يحبونها..
اقلي لهم نجيتس أو كباب أو كبه و معاها على جنب بطاطا .. كتغيير
اقلي خضروات مشكله .. مثل قرنبيط و بروكلي و بطاطا وكوسا و باميا وباذنجان ..
أنواع الخبز أو المعجنات .. فطاير ونوعي بأشكالها ..خبز جباب .. خبز خمير .. بيتزا ومب شرط تكون بخضروات ممكن بس بجبن .. لقيمات مع دبس وحطي بالعجين حبه سودا ..
بلاليط بالبيض حلو وخفيف ويحبونه الاطفال ..

هذا اللي في بالي حاليا وان شاء الله تستفيدي مني ^^