احنا ما يحلى لنا النوم الا بعد الصلاه لانا نسهر الليل نادرا مانتغدى وكله يرجع لرمو اذا صحيت تغدينا واذا نامت نمنا وغالبا يكون رز ابيض وملوخيه

قبل ماتزوج عند اهلي عادي مافي روتين معين امي الله يخليها تطبخ غدانا اللي موجود
وبعد ماتزوجت اهل زوجي عادتهم غير لما كان ابوه عايش (الله يرحمه) كنا نجتمع عنده كلنا عياله وحريمهم وعيالهم وبناتهم ومافي احد يعتذر لو ايش ونتغدى عندهم وكان دايم الله يرحمه يجيب من برى رز ودجاج او ذبيحه بحكم انا كثيرين
وبعد ماتوفى بقت الجمعه لازم يجتمعون فيها بس اقتصرت على العيال وعيالهم بدون حريم لان ماشاءالله العيال كثرو وكبرو
وماشاءالله مايخلون غدا الجمعه عند امهم لو تنطبق السماء على الارض

اهم شي يكون في الغدا سمك سواء كنت في بيتي او ييت اهلي او اهل زوجي طبعا ما ننسى الباميه والايدام المشكل والباذنجان المشوي ..

من أيام بيت أهلي وحنا الجمعة مخصص للتمشية..والغدا أو العشا برة..

قبل زواجي..الخميس بالبيت أو مع جمعة الأهل ولااااازم سمك..سواء مقلي أو مشوي..
وليلة الجمعة محد يقبل يطلعنا..أبوي دايم يقول..:الليلة جمعة..بريكة..إستغلوها بزيارة مريض وصلة رحم..أو أذكروا ربكم فيها..وخلو السوق لوقت ثاني..

بعد الصلاة الجمعة..ناكل شي خفيف..لأننا نجتمع مع أبوي وأخواني عشان يقولون لنا وش كانت خطبة الجمعة..>>بطلب من أمي الغالية..تقول:موبس أنتوا تستفيدون..وحنا نحتريكم بالبيت مالنا شي..خخخ

إذا كنا جالسين متأخر..ناكل سندويشات أو شورية..أو فطاير..

وإذا جالسين بدري نكون فاطرين..ومع إعادة الخطبة لنا قهوة وتمر..

ونطلع بعدها..نتمشى أو ننزل السوق نقضي..وبعدها نتعشى..ونرجع على الـ9..




الله يسعدكذكرتيني بأيام حلوة..وطلعات أخواني..اللي هاللحين كل واحد يدرس بـ بلد..


بعد الزواج..
زوجي يتغدا مع أهله..الرجال يتجمعون مع بعض..

بعد صلاة العصر نطلع..
إذا سوق أو ألعاب مع بنتي للصلاة..وبعدها نطلع مطعم نتعشى..
ونرجع بدري عشان بنتي تنام..




في أمان الله..

مافيه شئ خاص ليوم الجمعه لان في الغالب غداء الجمعه ملغي

بعد الصلاة نفطر نواشف وعليها ويكون يوم نحضر للمدرسه مذاكره او غسيل ملابس

وعشاء خفيف ونوم بااكر ..... استغفر الله يوم مانحبها من صغرنا لانه يوم التجهيز للعمل او للمدرسه