يسعد صباحك عافيه وين مختفيه
اللحين فطرت عيالي كورن فلكس وانا شربت حليب و5تمرات علشان تعطيني طاقه


الغداء مكرونه بالدجاج بقدر الضغط ،مقلوبه،مشخول،ايدام ،باشميل،صينية خضار،نااااااادرا اسوي كبسة مايحبونها لاعيالي ولازوجي
اساسي ع السفره سلطة قبل يبدون بالاكل الكل يأكل سلطة
اساااااسي سلطة فواكة والغالب يأكلونها بعد الغداء وهم يتفرجون ع التلفزيون
وانتي تبين نصيحتي لاتجلسين ع السفره جيعانه كولي قبل الوجبه صحن سلطه والا زبادي مع خس والا خيار
المهم اجلسي وانتي مو جيعانه وكولي شوي وقومي وتحركي الحركه بركة
سوي لك زنجبيل مع قشر مررررره يجنن وحطيه بترمس واشربي منه طول اليوم
اول شي يسد الشهيه ثاني شي يشيل الشحوم اللي بالبطن ويشد الجسم
موفقه💜

والله أنا تزوجت شخص يحبون الكبسات وأولادي طالعين على أهلهم فصرت أشكل كبسه بنيه كبسه حمراء برياني مشخول أهم شي رز
الغداء عندي رئيسي ...كبسات بألوانها وأنواعها...صواني ..سندويشات برقر...باستا


يارب ادمها نعمه واحفظها من الزوال خير وبركه اللهم لك الحمد

جالسة افطر الحين
بيض مسبوق و جبنة بيضاء و شرائح بصل و فلفل اخضر
الاكلات الي احب اسويها و يحبونها عيالي
الباشميل صينية خضار بالدجاج او اللحم و علية قشطة و جبن سائل
زوجي يحب الكبساات بانواعها
و ايدام البامية
و الملوخية لا غنى عنهن

الاكلات اللي دايما اسويها ماعندي شي معين انوع دايما واي شي اشوفه مناسب في النت أسويه
وطريقتي بالشاورما نفسها اللي معروفه بالنت
نشوح بصل في زيت وبعدها صدور الدجاج مع البهارات الين ماتستوي ناخذ صينيه نحط اول طبقه بطاطس مقليه بعدين الصدور وبعدها شوية مخلل واخر طبقه صوص عباره عن قشطه وشوية جبن سايل وشوية ثوم مفروم نخلطهم سوا ونفرشهم في اخر طبقه مع رشة سماق ونحمر السطح بالفرن وتتقدم وجمبها العيش وبالعافيه

طريقة الشاورما .. اقطع صدور دجاج . وشرائح بصصل . وطماطم. واحطهم في حافظه واحط فوقهم .علبة زبادي وخل وحامض الليمون والبهارات . كركم. فلفل اسود وكمون .وزيت زيتون وملح . وتخليه بالثلاجه يوم كااااامل . وبعدها يطبخ عادي . علا المقلايه .وعليك عااااافيه .