وش تتوقعون سبب خيانة زوجي ؟؟

السلام عليكم ورحمة الله وبركاته

اخواتي مريت بأيام صعبه جدا جدا الله يعلم بها من بعد ما اكتشفت خيانة زوجي وانا كنت اعتقد انه طاهر وغير كل الرجال :44: ... الله واكبر بس على هالدنيا .. ياما نعيش وننخدع في اقرب الناس لنا
الحين الحمد لله رجعنا وهدات امورنا شوي وقدرت اقنع نفسي انها نزوه وغلطه ... لكن اني انسى خيانته والله مستحيل انساها لكن رب العزه والجلال يتولاني برحمته

المشكله اللي ما قدرت عنها اني دائما أسال نفسي ليييييش يخون ؟؟ وش فيني ؟؟ وش قصرت عليه فيه ؟؟
ودي ادري ... هل اهمالي بنفسي ؟؟ .. هل كثرة الخلافات ؟؟ .. والا فراغة عين وبس

انا يا بنات اعترف اني كنت مهمله بنفسي يعني ما كنت راعية اهتمام وحلاوه وتنظيف مثل هالحريم ولا كنت البس بالبيت الا نفس الجلابيه كل يوم وشعري ملموم .. ادري بتقولون ذي مهبوله قاعده تخربط بس والله مالي بعد الله الا انتم .. ودي اقول هالكلام لأحد لاني تعبت وانا كاتمته .. وبعد ما كنت اتروش بصراحه عقب ما اطبخ .. اطبخ واجلس بملابسي الين بكره وكان يلمح لي يقول جت الكشنه راحت الكشنه وانا احسبه يمزح وبس .. مدري وش فيني واثقه من نفسي بزياده بس الحين والله طلع لي قلب ...بعد ما كنت اهتم بغرفة نومي .. دايم حوسه حتى المفرش ما ارتبه من الاهمال ادري مو شي افتخر فيه بس هذا كان طبعي .. وكنت انوم الاطفال الصغار معي بالغرفه واحيانا يستفرغون بالغرفه وكل حليبهم واغراضهم على تسريحتي يعني ما كنت اهتم بتزيين الغرفه مثل هالحريم ما كانت تعني لي شي غرفة النوم
حتى في العلاقه الحميمه ماااااااالي خلق وخصوصا وانا نايمه ما ابي احد يكلمني
كنت استعد للعلاقه والبس واتشيك له لكن ابي يعلمني قبل ب 3 ساعات على الاقل .. ما كنت ابي العلاقه العفويه ذي بدون موعد سابق ابد ما احبها وهو الظاهر ما كان يعجبه كذا كان يبيني مستعده دايم
وبيني وبينكم من بعد ولادتي الاخيره وانتم بكرامه صار عندي افرازات زااااااااااايده ما ادري ايش سببها وانا من النوع اكره اروح طبيبات النساء لانهم يلعبون بالوحده

وكان بعد عندنا مشااااااااكل دايم في هواش على كل شي على الفلوس وعلى البيت والعيال واهله واهلي في كل شي نتخانق ما نتفق على شي ابد واكثر من مره يطلع ويزعل من البيت ويروح بالايام ما كنت اتوقع ابد انه يخون لانه يرجع لي مشتااااااااااااااق ويراضيني ويقول لي كلام حلو :44:

والله تعبت من التفكير .. ودي اشتكي لاهلي واطلع اللي في قلبي بس هو ذممني ما افضحه ولا اقول شي لاحد وانا وعدته :44: الحب مذله

ودي وحده تجي وتقول لي تستاهلين عشان احس ان خيانته بسبب .. ما ابي احس انه خاين بطبعه :icon33: لان صديقه بعد كان معه يخون وانا اعرف زوجته قمه في الجمال والنظافه والاهتمام ... يعني مدري ليش يخونها