شلونكم حوائيات
دآيركت ..........
اللي يعرفون مواضيعي عارفين اني كنت من ضمن المتأخرات بالزواج " العوانس " ع حد تعبير المجتمع المتخلف
المهم حبيباتي الحمد لله ملكت قبل كم شهر ومن هنا بدأت المعارك بيني وبين خواتي وآآآه ياخواتي ,,
تغيروا علي 360 درجة مادري وش فيهم وش اللي صابهم لنا الحين شهر كامل مايكلموني ولا اكلمهم
كانوا كل يوم يطلعون بسالفة جديدة واطنشهم وارجع معهم عادي ولا كانه صار شيء وبعده يطلعون بسالفة ثانية وكذا
لحد ما صارت سالفة وزعلو علي بدون أي مقدمات ,, قسم بالله فجأة كذا قلبوا علي سألتهم وكل وحدة تجيب سالفة من عندها وليتها صدق,
واكتشفت انهم كل الكلام اللي كنت افضفض لهم عنه طلعوه لاخواتي الباقيات زي وحدة منهم كانت دوووم ترمي علي كلام ياعانس الناس مايبونك ووو ,
اذكر مرة من الغبنه ومن حر مافيني شكيت لاختي الكبيرة وقتها كانت تهديني وطنشيها وكذا والحين بعد الملكة لما زعلوا علي
اكتشفت انها راحت قالت لأختي رزان قالت عنك انك تقولين عنها كذا وكذا
وطبعا اختي انكرت كل اللي قالته وارسلت لي شلون تكذبين علي وكل هذا عشان السي سيد تبين تبيعينا من الحين عشانه
وماادري وش دخل السي سيد بالموضوع
المهم انهم الحين مايكلموني وثنتين منهم قريبات من بيتنا ويجون يزورونا نهاية الأسبوع
بس صاروا معي مب ذاك الزود مب مثل قبل أبد وطبعا ثنتين منهم مايكلموني أببببد
والمشكلة اللي قاهرتني انهم كل يومين يشتكون علي ابوي واخواني بدون رغم اني لي شهر مادري عنهم
وابوي الله يحفظه مايبي يسمع خلاص مصدقهم واخواني نظراتهم وعتابهم لي يذبحني كل ماشافوني اللي يتجاهلني
واللي يقولي اعتذري لاخواتك واذا جيت اشرحلهم اللي صار يقومون ويعتذرون بانه عندهم شغل ويطلعون
احترت ش اسوي معهم معقول اخسر اهلي عشان زواج ؟ ورجال لا راح ولا جا ؟
والا اتطلق واشتري راحة بالي وعشان ترجع علاقتي مع اهلي ومااخسرهم ؟
الزوج مااضمنه بس ع الاقل اهلي عارفتهم وعارفة طبعهم واذا خسرت واحد فيه غيره
انا ماابي اتزوج واهلي زعلانين علي ماابي اخسر خواتي وانا مالي غيرهم بالدنيا بعد الله ولا ابي اكون مع شخص ابوي بنفسه شيء عليه
ويكفي اني اذا كملت هالزواجه ماحد بيفرح معي ولاحد يساعدني هالشي بيكسر قلبي أكثر
كفاية الملكة والله العظيم ماحد وقف معي ولااحد ساعدني بشي الا ثنتين منهم والباقيات كأنهم ضيوف
فضفضة + آحتاج آرائكم لو انتم بمكاني وش تختارين
ع فكرة كلمت أبوي وزوجي ع موضوع الفسخ واني ارجع له مهره ونفسخ العقد ........
يسعد قلوبكم ماااااااااابي سب وشتم ولاتجريح لا لشخصي ولا لخواتي ولا لأي عضوة ترد بموضوعي
اتحفوني ......
حلي المواقف اللي بينك وبينهم
تناقشو واسمعو من بعض شوفي ليش تغيرو عليك
مافهمت يعني وش دخل زواجك او خطبتك بالموضوع
وهل اذا تطلقت من هنا رح يصالحونك من هنا
عالاقل قوليلهم يمكن افكر انفصل شوفي ردة فعلهم
بس مو مستوعبة وش العلاقة بصراحة حلي الخلاف اللي صاير بعيدا عن الامور اللي مالها علاقة. موفقة يارب.