وش تسولفين فيه مع زوجك

افااااااااااا خمسه دخلو ولا رد الله يهديكن بس

أسأليه أسالة في المجال اللي يحبه مثلا اسهم -سياسه -اخبار جديده_اقري مواضيع بالانترنت وكلميه عنها- او كلميه عن قصة احد سمعتها او قريتيها بالنت يعني زي كذا...

مدري حبيبتي وش هي اهتمامات زوجك بالضبط بس اللي اعرفه ان الوحدة لا تناقشت مع زوجها في اهتمام من اهتماماته صار مرة مبسوط معاها يعني مثلا اذا هو يحب كرة القدم ادخلي بالنت وشوفي أخبار ومعلومات عن الفرق خصوصا الفريق اللي هو يحبه وشوفي معلومات عنه وناقشيه وصدقيني بينبهر ان عندك معلومات مو من اختصاصك وبيحب يقعد معك عشان يشوف وش جديدك :) وعلى فكرة اذا زوجك يحب البلاي ستيشن تعلمي اللعبة اللي هو يحبها والعبيها معه واتحداك اذا ماقعد طول الوقت معك واستانس على قعدتك. وموفقة غاليتي

طيب زوجك وش يحب
مثلا الكوره
الايميل
المنتديات
وش يحب بالضبط
قريت مررره باحد المنتديات انه ثقفي حالك بالجانب الي يهتم فيه زوجك
انا اقولك زوجي يحب الكوره والمباريات وانا ماحب طاريهن المهم من قريت هالسالفه وتعالي ياكوره كاتبه بالتقويم اليومي جدول مباريات كاس افريقيا وخلص والحين كاس اسيا وربي كاتبه الجدول على التقويم مباره اليوم مين ومين وكم الساعه
اجهز حلا وقهوه والتسالي والفشار وربي بطل يطلع يشوفها عند اصحابه - يقول بالبيت اونس وتعالي شوفي جواله اتصالات الشباب يدورونه وهو ساحب عليهم
وانا حماس لسجلوا هدف ( وربي اكره شي بالدنيا الكوره عندي )

المغزى اذا زوجك يحب شي ثقفي حالك فيه انتي شوفي وش يحب وابدائي رتبي امورك


ومو بس تسولفين عليه 0- طيب اساليه عن امه عن اهله عن الناس الي جا من عندهم - صاحبك فلان وش اخباره - يعني دبري روحك



بالتوفيق

أنا مثلك


أنا مشكلتي زوجي يحب يتكلم أويسكت مايحب يسمع


وش الحل