أم الراقية @am_alraky

عضوة نشيطة

وش تسون يابنات 💔

السلام عليكم
نبذه عني الى يجلس معى مايمل ابداً سولفجيه. الحمدالله
متزوجه لي ١٧ سنه.
المشكله مع زوجي مالقي سالفه معه يعني نطفش مع بعض

امس طلعنا. ويقول سولفي لي وخلي الجوال. مالقيت سالفه. يقول لاتسولفين قصص. وسوالف الجوال.
وخلاص من تخطيط. البيت وعندك. ومنعينا من مشاكل الناس وعيالنا. وارزق على ربي.
طيب وش اسوالف له. مليت.
واليوم طلعنا. نتقهوى. نفس الشي. مافيه سالفه قمت سولفت عن ديكور الكافي. قال الفلوس تسوي كل شي
تصدقون قمت اسولف له عن افنان الباتل🥴وشلون بدات. تجارتها وقال وش علينا منها. طيب وش اسولف لك عنه
تكفون وش تسولفون اذا انتو وازواجكم. لوحدكم. من غير غزل وتغازل 🙃

يلزم عليك تسجيل الدخول أولًا لكتابة تعليق.

تسجيل دخول

هديل هانم • 4 سنوات

زوجك هذا حجر واسع الترجمة ضيق عليك السواليف عيدي السالفه بس غيري الابطال 😂 انا اكثر جلساتي مع سي السيد اكيد فيه ولدي وبنتي وكل يوم وحد يكذب على الثاني بسالفة 🤪 يعني يجبون سواليف وقصص ام الغزل والرومنسية انسيها مع ابوسروال وفنيلة 🧐

متفائلة 2018 • 4 سنوات

ماشاءالله على زوجك
طيب كويس انه يحرص يقضي وقت معك وانه مايبي حش وسوالف بالناس
المشكله واسمحي لي اختي يمكن قراءاتك تجاربك اطلاعك محدود
مو بس انتي كلنا
من جت التقنيه معظم الناس ثقافتهم معلبه
مسجات الوتس وجو مشاهير السوشل ميديا واشغلوا العالم بالتفاهه
المواضيع كثيره كتب سياسه ادب تجارب مريتو فيها تخطيط للمستقبل

سحاب ممطر 00 • 4 سنوات

اتكلمي عن سيرة الرسول صلى الله
كم عمري ولذحين في قصص اول مره اسمعها
والصحابة رضي الله عنهم
والحضارات القديمه
أو في السياسة شوي والاقتصاد
ومري على الشعر والطب
وكمان شوفي زوجك
لمن يجلس مع أهله
أو يكلم اصحابه
عن ايه
أو مواقف ززمان صارت

مراسيل الفرح • 4 سنوات

ريــم 🧚🏻‍♀️ :

لا يمكنك مشاهدة هذا التعليق لانتهاكه شروط الاستخدام.

نفس اختي
سوالفهم تجي بالسيارة بس
ههههههههههههههههه

مراسيل الفرح • 4 سنوات

زين عطيه المايك
قوليله انت سولف لي .. وعاد اي سالفة يقولها سوي فيها متفاعلة عشان يتحمس يفتح مواضيع,,