و الله مشكلتي نفس مسكلتك ما بيجو الضيوف الا و انا دايخه
قبل كم يوم عزمت صاحباتي عل عشا صتحبتين و طفل صغير و عملت كبسه و كبه بطاطا و معجنات و طبعا سلطه و صلصه و مقبلات
و الحلو كان بسبوسه و كعك قريب من الشابوره و كنت عاملتهم قبل بيوم و الله ما روحو الا انا مش فدره ارفع راسي
ابن صاحبتي الله يخليه عجب وسخ الدنيا و بالاضافه لتعبي ما قدرت انظف ايشي لما روحو يا دوب عملت المطبخ و ما قدرت اكنس
و هاد طفل يعني بدو تحرك و اليت ضيق و امو انت كتير محرجه بس انا طبعا حكيتلها خلي يعمل الي بده لانه طفل و بده يتحرك و طبعا كله انقلب ع راسي

و انا بحب لا حد بزورني اعمل اشياء عربيه عشان هيك بتعب و حتى السينمون رولز بعملها من اصفر عشان هيك بكت

باختصار قلبي معك

مشكورين خواتي على المساعده ..


اختي رغد الحياة
افكارك مرررره حلوه و بسيطه ... اما بالنسبه للكوكيز و الكيك فهم سهلين و انا اسويهم دائما في البيت و ما احتاج اجيب الي جاهزين .. و الاستعدادت الي قبل بيوم دايم اسويها من تنظيف و غيره .. وين المشكله المشكله ان جاراتي ما شاء الله عليهم طباخات و اذا فيه ناس راح يجونههم مثلا يصحون من 6 الفجر و عجن و خبز .. و ما شاء الله اذا زرتيهم السفره فيها لا يقل عن 10 اصناف .. و استحي احط اقل منهم مع اني دائما احط اقل منهم لكن على الاقل اكون قريبه يعني اسوي 3 او 4 اصناف موالح على الاقل و تكون فيها لف فطاير او قلي يعني لازم سفرة مو شي بسيط ينحط على الطاوله :(

حنيني
حياك الله اختي ... اسمك يشهي .. اذا هو الي في بالي :p
اختي فكره الفطاير المجمده مرره حلوه و انا اهلي قبل لا اتزوج دائما يسوونها ... بس ما عندي فريز كبير و ما يصير فيه مكان
اما عن السندويشات الصغار فهم فعلا افادوني الله يجزاك خير

ام فهودي
هلا فيك اختي صادقه اعجبتي فكره عجينه الف باستري و فعلا ان شاء الله راح اجربها ..
و على موضوع البيت يترتب باليل .. هذي ضروريه لازم .. و لا ما نلقى مكان نقعد فيه اذا صحينا .. :06: من كثر الالعاب الي على الارض و مو مشكلتي الترتيب مثل ما هو مشكلتي اني ابغى كل شي يصير تمام . و اتعب نفسي بعدين ما انبسط مع الناس :09:

ام القمرين
حيا الله من جانا .... انا انتظر العزيمه الي انت واعدتني علشان اشوف وش تحطين و اتعلم .. بس شكللك هونتي :D
و انت بخير اختي و صحه و سلامه .... معليش لو هي متأخره
يا عمري انت اول ما بديتي الحمام .. شكله ازمه عند كل الناس .... اجل فيه حمام يغسل من دون طرطشت مويه .. شي يقهر :06:
بس صادقه انا دايم انظف قبل بيوم .. و يمكن تكون هذه احد المشاكل .. ليش .. لاني اكون اشتغلت كثير نظفت و سويت بعض انواع الحلى .. اذا الناس راح يجووني على العشا مثلا و فيه اشياء ممكن تتسوى قبل بيوم مثل لحمه مفرومه او قلي خضار راح اسويه بصينيه اسويه قبل بيوم .. اجهز الفناجين و البيالات .. اجهز الملابس الي راح تلبس و اكويها ... اروح السوبر ماركت اتقضى .... الخ .. و اذا خلصت لين رجولي تعووررررررني و لما صحى ثاني يوم الي هو يوم العزيمه الا و انا منهده قبل لا ابدا بالشغل الاساسي .... :29:
الله يكون بالعون .... بس تصدقيني اعجبتي فكره السوس رول بالزعتر و الله فكرتها حلوه ان شاء الله راح اجربها .. مشكوره اختي على الافكار الحلوه

ام بدر هلا اختي ...
صار عندي مشاركتين باسم ام بدر :32:
اختي انا مثلك ما اروح و يدي فاضيه و البنات الي يزوروني ما يقصرون دايما يجوون و ايديهم مليانه ... بس ما اقدر اعتمد عليهم ... يعني احيانا فيه ناس منهم يعتذرون في اخر لحظه ,,, و فيه ناس متعوددين يجيبون بس صار عندهم ظروف و ما جابو شي ,, و هذه المواقف تصير معي فا ما اقدر اعتمد على الي راح يجيبونه و لازم احط انا اقل شي ثلاث انواع موالح اذا مو اكثر علشان اضمن انه فيه شي راح يكون على السفره .. :29:
و مشكوره اختي على المشاركه

زينا 2004
هلا اختي و الله صادقه الاطفال الله يهديهم احينا يحسوون ترتيباتك كلها .. مشكوره اختي على المشاركه

هلا الهندية
صراحه نكأتي لي جراح ..ياحليلك..
اول ماجيت لامريكا تضايقت بالبدايه اني مالقيت خليجيين..وبعدين حمدت ربي..
اختلطت بالعرب هنا اشكال والوان..وعرفت اننا ينطبق علينا نزّل جبل ولاتنزل طبع:confused:
تدرين ليش؟ انا لازم اذا جيت اروح لاحد اخذ معي طبق حلى..مسكينه عجزت اغير طبعي...واذا رحت شوفي التعليقات منهم
اللي يقول والله فاضيه!!واللي يقول ماله داعي..واللي يقول ياوسع صدرك على هالحركات..وكلام يسم البدن
وكل مره اقول لابونا اصفقن اذا اخذت شئ..ومع ذلك اخذ ولا اتوب:eek:
مره زينت لوحده طبقين واحد فطاير سبانخ صغار مره بحيث تروح بلقمة..وحلى قهوه فطاير السميد بالجبن وهذولي بعد صغاااار مره..
تدرين وش قالوا؟؟
نفس التعليقات اللي فوق..
المهم..ياحبيلك الزبده لاتتعبين روحك تراهم صح وحنا غلط..الاكرام زين بس مهوب على حساب صحتنا ونفسياتنا
والله يالهنديه اني اذا رحت لهم والاهم اخر روااااقة وتدرين وش يحطون؟؟
جالون عصير على الطاوله وكاسات ورق ويسوون من العجين الجاهزه اكيد تعرفينها ذكروها البنات بمركز الاكتشافات..
مايسوون فطاير ولف وحوسه ..لالالالا..يسوون بها اقراص شئ بالجبن وشئ بالزعتر..
وسله فاكهه..وبس!!
تخيلتي وشلون تصير الوحده مروقه..
وشئ ثاني استفدته منهم..
اذا عزموا عزيمه كبيره..يعني حريم ورجال..
كل شئ يسوون قبل بيوم اويومين
مثل الحلى وورق العنب وصفايح اللحم واكثر الاشياء
حتى الكشنه يزينونها قبل بيوم
والله وحده مره عزمتنا..دخلنا بيتها مافيه ريحه طبخ ابد..حتى زوجي انتبه..
واعصابهم ماشاء الله تصير بارده..ماتنشد ابد ابد..
حتى الرز يصيرون منكبينه بصحونه ومدخلينه الفرن وقبل مايجون الناس بشوي يولعون الفرن عليه بس تسخين نص ساعه..صراحه وناااسه
واحس انا ان الضيوف بحاجه ان الواحد يجلس معهم ..مهوب زين ان الواحد ينصهم وينام بالمطبخ ..
ان شاء الله افدتك..
:09:

والله احنا متعودين لما ننعزم كل وحده من المعزومات تجيب معها طبخه اللي حالي واللي مالح وراعية العزيمه يمكن ما تسوي الا الشاهي والقهوه وحلى وطبخه وحده لأن الآطباق اذا اجتمعت تسوي سفره كبيره ولا احلى منها ولا فيه وحده تتعب ولا شي
والتعاون احلى شي :26: :26:

حيا الله شاكره ... اسفرت و انورت يا هلا و الله و سهلا ...
يا عمري انت اجل تجتهدين و بعد يقولون لك وشلوله .... عسى ميب راعيه البيت الي تقولك ماله داعي و الله انك فاضيه ... لانه من جد شي يقهر
بس شاكره انت الي فهمته منك انهم ما يتكلفون فا عادي اي شي تحطينه عادي ... لكن انا البنات الي عندي ما شاء الله تبارك الله طباخات و يشكلون .. و الله اني استحي ادخل بصحن كيك او حلى قهوه بسيط .. هم ماشاء الله انواع و اشكال من محاشي و فطاير و معجنات و شي مقلي و شي مشوي ما شاء الله اشكال و انواع .. و انا اذا جو عندي احط و الله ما اقصر بس ما يصير فيني حيل اقعد معهم .. و الادهى و الامر اني اقصر على بيتي اذا احد راح يجي يعني ذاك اليوم ما فيه غدا ما الحق اسوي تصدقين حتى انا ما اكل شي يعني ممكن زوجي يجيب اكل من برا بس انا ما اقدر اكل من الشغل ما الحق اقعد ,,, و اذا جو الناس ليني ميته جوع و تعبانه و من زود الجوع ما اقدر اكل زين تعرفين الواحد اذا جاع مره تنسد نفسه عن الاكل ... و غير كذا اذا حطيتي الاكل ما تقدرين تأكلين هذي تبي ملعقه هذي تبي كاس ... و تبدين تدوين بالاكل و تلزمين على الناس ... و عاد اذا طلعو الناس لين معي صداع و رجولي منفخه ,,, :06:
و اقول الله يعين بس و اشيل هم الزياره الجايه ... :29:

هلا اختي سارونه
احنا كذا بس برضه البنات اذا رحت بيتوهم يكونون حاطين شي و شويات فا استحي اكون اقل منهم ... و الا الكل ما يقصر بس انا ما حب اعتمد عليهم و بعدين يصير اكلي شوي .. :17:
عموما مشكوره اختي على المشاركه و نورتي موضوعي :26: