الله يخلي خيزران امي خخخ
ابوي الله يخليه طيب يتحمل ويضحك
اما امي من تنادي لواحد باسمه الباقين عضو الازض من الخرعة
وغالبا العيال بليستيشن والبنات وحدة تقز شعر الثانية وشباصاتها
وآخر صرعة بالقلادة والشباصة
وماسكة منديل بيدها وماغير تمسح بقصيصتها يعني اني رقيقة ونعومة خخخ عاد واللي شعرها فلافل هذي يجيها جنون البقر من الصياح والكتمة خخ
لكن لاخربت معاهم العيال والبنات نجيب لهم الوان وكراسات وكل واحد يطلع ابداعاته وبعد مو مفتكين تبدا حركات الغيرة واحد يشخط على رسمة الثاني يعني انه بالغلط وغصب عليه ثم يبدا معط الشوش وعيال فلانة فزعة مع عيالي وتقبس لين نتصل على 999 = امي وتهجد العالم خخ قصة هالبزران هههههه

ووه جيتي على الجرح خاصة لاصار اعمارهم متقاربة يايتهاوشون يايخربون

المشكلة ابتدت عندنا هالسنة اذا كان فيه صبية بدت تتغطى وحده وشب ينتغطى عنه واحد اعمارهم 14 سنة

تمشكلنا نعزل الولد لحاله وهو يموت بقعدت خالاته ولا المسيكينة كل وقتها تتوزى عنه وتعالي شوفي المواقف

هههههههههههههههههه

تصدقين حسيت نفسي بوسط الجو والصراخ والهواش الله يصلحهم يارب
مع أننا مو كثير اذا أجتمعنا عند أمي لان فية اخواتي مو عايشين بنفس المنطقة بس جربت الوضع...

أحناالمصيبة جمعتنا الكبيرة بس كل 3أسابيع لانو يجتمعون خالتي و بناتهم وحريم عيالهم وحريم خوالي وبناتهم وحريم عيالهم
أحسبي عاد كم بزر بالجمعة الله يصلحهم ولا يعرفون بعض مرة بالأسماء يصارخون ماما ولد النحيفة ذي ضربني
وولد الطويلة كسر لعبتي وكل أحفاد عايلة عاملين حزب لحالهم واحيانا نضطر الى أسعاف احد الحالات للمستشفى >>>>هانت عليك مصيبتك هاه,,,

خخخخخخخ


تقوم حرب داحس والغبرا


لين يزينها الله




بعد ماتخلص المعركه نشوف مين الطاق والمطقوق ومين القاتل والمقتول



ونسعف المصابين والحمدالله لم نسجل حالات وفاة الى الان



الله يخلي كل ورع لهله يارب

لما اجتمعنا شرينا مسبح و صرنا ننقعهم فيه و نا خذ كراسي و نجلس قريب و نشوفهم
أو يتصدق علينا واحد من شباب العايلة و يشيلهم بالسيارة للبقالة او اي مكان عصرية و نحب على راسه!
الله يصلحهم فيه ناس تجيب مدرسين للقران او انجليزي يعلمونهم في البيت في الصيفية و يقطون حق المدرس !!