الله يعين ولا تخافين هذي مشكلة الاغلبية انا دايما اسأل نفسي وش يسوون الامهات عشان يسكتون عيالهم وخصوصا في البيوت الصغيرة اللي وين ما راح الواحد الا ما يطلع الصوت ويتعدى الشقة بعد يوصل للشقق الثانية في العمارة ! (واضح اني مجربة خخخ ) يمكن الصغار مرة والرضع امرهم اسهل توقتين نومتهم في النهار على نومة ابوهم وهم اصلا نومهم ما بعد ترتب بس الكبار شوي من سنتين وفوق واللي في سن المدرسة لو بينومون ماراح ينومون بدري في الليل وبيقومون للمدرسة مجهدين ويأثر على نموهم وتركيزهم ( هذا للي يقولون نومي عيالك الظهر ) ما لك الا تشغلينهم بأي نشاط ما يطلع منه صوت وشوفي كل واحد وش هوايته رسم ولا اعمال يدوية ولا حتى غسيل سيارات ( فيه اولاد يحبون يغسلون سياراتهم في الحوش ويتخيلون انهم عمال صيانة خخخخخ ) فيه اللي يحب القصص اقري عليه قصة ،اللي يحب الطبخ ممكن تسوين انتي واياهم سلطة فواكه ولا حلى ولا كب كيك وفيه اللي يحب شغل البيت روحوا كنسوا الحوش مثلا ، واللي يحب التلفزيون خلي بس هذا الوقت من اليوم مخصص له مع التنبيه انهم ما يرفعون الصوت عشان ابوهم جاي من شغله تعبان ويبي الهدوء ولازم يرتاح عشان يقدر يشتغل ويجيب لكم فلوس ، قولي لهم هالكلام صدقيني الاطفال يفهمون ويستوعبون كل شي ولازم تناقشينهم في اسباب التصرفات لو امكن عشان يسوونها باقتناع اكثر مو تقولين قصروا اصواتكم واقعدوا واسكتوا وبس بدون ما تقولين لهم ليش ؟ في نفس الوقت الاب لازم يستوعب انهم اطفال وفي هالمرحلة اهم شي عند الطفل اللعب والحركة ولو ما كان كذا ما يكون طفل طبيعي وهالشي يصير في اغلب البيوت مو بس عندكم عشان ما تحسين بالضغط والتقصير من ناحيتك