نواهف2 :

اما نا عاد كسرت خاطري هالشنطه ( شنطة السفر) ياكثر ماانزلها واطلعها كل شويه مرتبه اغراضي وملابسي واذا تراضينا اروح ارتبهم وارجعهم من جد تعبت بنات مافيه حل اسهل تعبت من كثر مااطلع الشنط واشيل غرضاني وارجعهم خخخخخخخخخخخ بس اذكر مره سويت حركه قويه كان بيذبحني عليها تزاعلنا ولما نام اخذت ولدي ومفتاح السياره وبطاقه الصرافه وشنطة الملابس طبعا وكتبت له ورقه ورحت ادور لي فندق خخخخخخخخ هبال وطلع الفندق اللي قريب مننا مافيه مكان كله فل قلت ياربي شسوي اخرتها رجعت البيت:( ومرات اذا زعلنا اطلع اروح لجارتي واكتب له ورقه تراني مو راجعه طبعا كذب بس حرق اعصاب:42: الله يعيننا على هالغربه ويعينهم هم المساكين على الدراسه وهم الدراسه وربي مرات يابنات احس قلبي يتقطع على زوجي لما اشوفه يذاكر وعنده امتحانات وحالته حاله:icon33: الله يوفق الجميع

اما نا عاد كسرت خاطري هالشنطه ( شنطة السفر) ياكثر ماانزلها واطلعها كل شويه مرتبه اغراضي...

صMت الحRوف :

هلا بالغاليات ..هلا بالطيور المهاجرة لا تتهاوشون وحاولوا كل واحد يحتوي الثاني وصدقوني بتصير هذي الأيام أحلى أيام العمر لأنكم بروحكم ...فخليه يشوف منك السنع والصبر والحلم والأخلاق الزينة وحتى لو صارت هوشة حاولي تسوين حركة وتنهين الهواش ( مثل وأهو معصب قولي له بهدوء والله أحبك وأنت راضي وأنت زعلان ولكن أحبك وأنتي راضي أكثر ، أو نطي عليه وبوسيه بتشوفين يطيح الحطب الرجال من أقل كلمة حب وحنان تضيع علومه فخليكم ذكيات في التعامل واكسبوا الجولة لصالحكم) بكره ترجعون وتلتهون بالأهل والأصدقاء وغيره من الإرتباطات لها أول مالها آخر كل وحده حاسه بالملل وضيقة الخلق لبعدها عن أهلها تعتبر نفسها بشهر عسل مع وقف التنفيذ خخخخخ يعني مافي تمشيات ولا روحات ولا جيات وتذكروا أن فيه بنات عايشين في الوطن وأهلهم عندهم ومع ذلك مو مرتاحين بكره اذا رجعتوا للوطن بالسلامة ورجع لأصحابه وللإستراحات والسهر بتتندمين عدد شعر رأسك أنك كنتي منكده على حياتك وحياته بالزعل والدلع انبسطي ووسعي صدرك وحاولي تفرفشين وترفهين عن نفسك وغيري جوك وأنتي في البيت لا تنتظرين كل شي منه والا من الطلعات بأقول لكم نصيحة أمي .. الحين أنتم لحالكم وبس وش الأثر اللي بتتركينه يأخذه عنك في السفر سنعة ، صبورة ، حكيمة ، متحملتني ، مدلعتني ، دمها خفيف ، شايلتني بعيونها هونتي علي أيام الغربة ، هي وطني ، وإلا نكدية ، مدلعة ، صياحة ، تحب المشاكل ، عصبية ، ماهنا دبره ، عجازة ، .... بيني وبينكم أنا أثرت فيني كلمة هي وطني مشكورة يا صاحبة الموضوع والله يرجع كل المتغربين لأهاليهم سالمين ومتوفقين ويلم شملهم بأهلهم وهم بأفضل حال والله حاسه فيكم يابعد قلبي أنتم

هلا بالغاليات ..هلا بالطيور المهاجرة لا تتهاوشون وحاولوا كل واحد يحتوي الثاني وصدقوني...

mamazozo :

ازعل شويه وبعدين اتجاوز الزعل واتصرف عادي وبالاخير نتراضى لان الكلام وقت الزعل والواحد عصبي لا يحل اي مشكله فبعد ما نهدء نتفاهم اما اذا الموضوع ما فيه خطا وصح نتعارك ونتهاوش ونختلف وبعدها كل واحد يسكت وبهذي الطريقه نكون عبرنا عن اراءنا بتحضر :55: + :arb: +:mad: = :024:+:icon33:+:angry2: والنتيجه:boom: لكن اهم شي مافي:11retcher وعندي اساسيات للتصرف وقت الزعل طبعا سنين الزواج هي الي تعلم الوحده اهمها وقت المشكله ما نتكلم احنا الاثنين مع بعض واحد يتكلم والثاني يسمع حتى نفهم الموضوع ولا نزيده حطب ممكن وقت العصبيه الزوج خصوصا يعصب ويطلع سوالف ما الها اول من اخر شي منها حقيقه وشي خيال الافضل انك ما تردين وتعبريها لانه الزوج راح يعتذر عن هذا الكلام لاحقا اذا ممكن تروحين لغرفتك وما تتجادلين يكون احسن اذا كنتي انتي الخطا لاتتردين بالاعتذار لان هذا الشيء يكبرك في نظر زوجك لاتتعاركون امام الاطفال لان هذا ياثر في نفسيتهم والاطفال ممكن يطلعون سوالف البيت لبره ولا انسى اهم شي هو ذكر الله والتعوذ من الشيطان ملاحظه مهمه اذا كان الموضوع يستحق المشكله وياثر على العائله لاتتردين في خلق المشكله لان التكتم على مواضيع مهمه يؤثر سلبا وبعدها المشكله الصغيره تكون اكبر ويصعب حلها ملاحظه ثانيه دائما تفاخري باهلك وعززيهم وغليهم حتى يعرف زوجك انك مسنوده دائما واياك تنطين فيهم ولو مره وحده

ازعل شويه وبعدين اتجاوز الزعل واتصرف عادي وبالاخير نتراضى لان الكلام وقت الزعل والواحد عصبي لا...