اول ما تزوجت امي وصتني بشغله
قالت لا تخلين زوجج ينام و اهوا متضايق منج
لا تخلينه يحط راسه على المخده و اهوا زعلان وشايل بقلبه او حتى مو فاهمج صح

انا اذا زعلت من زوجي -لاسمح الله- ،اذا كان الوقت قريب من وقت النوم اروح للسرير
واتغطى وهو يجيني طيارة يرضيني :kissa: (على قولته مايتحمل زعلي).

اما اذا وقت ثاني اروح عنه اشتغل في البيت (اغسل، انظف، ارتب،....الخ) اهم شي
اكون بعيده عن عينه، وبعد شوي الاقيه يرتب ويشتغل معي :scream:.

والله ان الزعل ما يسوى علي ولا يجيني منه الا الهم والجنون وضيقة الخلق
مشكلة زوجي اسلوبه عصبي بعض الاوقات وانا ما احب هالطريقة ما تعودت حد يعصب علي
دايما امشي له بس احيانا مقدر واقوله طيب ليش تعصب ؟؟ يقول ما عصبت والله اني انقهر اسلوبه جدي واي تعليق مني على طول يعصب واذا زعلت ما يجي يراضيني على طول اقعد حابسة روحي واندب حظي وهو اما يطالع التلفزيون ولا يطلع برا وفي الليل يروح ينام وانا المسكينة اسهر الليل من القهر واذا كلمني اطنشه لنه مشكلته ما يبغى يعتذر يعتبركل شي منتهي ولا كأنه زعلني ولا شي طبعا زوجي مستحيييييييييييييييييييييييل يجي يراضيني الا في حالة وحدة وهي اذا جلست ابكي بصوت عالي كني طفلة اظنه يخاف اموت ولا استجن ويبتلش مع اهلي وطبعا اول زواجي كان هذا حالي
اجلس بالايام ابكي وهو ما عنده اهتمام واذا علا صوتي جا قال ايش فيك ؟؟ ويظل يردد هالكلمة كنه ما يدري وش سوى واحيانا لا صارت غلطته كبيرة اعتذر
هالحين خلاص تعودت على اسلوبه واتجنب ازعل قد ما اقدر لنه محد خسران غيري كله من صحتي ونفسيتي اذا عصب علي اطنش اشوي و تطيح دمعتين من القهر ما اخليه يشوفني وهو شوي ويرجع يسالف كنه ما سوى شي طبعا الساعتين الاوليتين انتظره يعتذر واطنش سوالفه الي وراهم ارد على سوالفه بكلمتين الساعتين الي بعدهم ارجع اسالف معاه

انا طريقتي اطلع حرتي فيه وابكي واسوي افلام هندي على حسب الموقف

واول ما اخلص على طووووووووووول اكلمه واقول تبغى شي محتاج شي<<مسويه قلبها ابيض>> هههههههه

بصراحة ما اقدر يمر نص يوم من غير ما اكلمه لاني ثرثارة

والمشكلة هو عارف نقطة ضعفي

بس والله في النهاية نرجع زي العسل

وانا مثلك اختي ام وليد ثرثارة واحب الضحك والسوالف والوناسة وهو جدي مرة
وهذا السبب اللي يضايقني لنه اذا زعلت بقعد بروحي ولا اشوف احد اسولف وياه
اما اهو قليل سوالف يعني ما يتاثر اذا شافني ساكته عادي عنده
بس شسوي الشكوى لله