اذ من الاهل امي اختي عادي بنتهم ماراح يسون لي شي غلط واذ غريبه وش تبي فيني تصورين عادي بقوم واروح لها وبحزم اسحب جوالها وانظر فيه ان والله طلعت مصورتني اخذت تهزيئه مني وامسحها وارميه عليها بس الخوف لو طلعت وسحبت وهي كانت رفع جوالها ولاهي يم ولا يم خشتي ولاصورتني ولاشي هههههههههههههه عاد هني وش يفكني منها لان اغلب الناس الحين من ترفع الجوال ويكون موجه لك يفكرونك تصورينهم ههههههه

اذا قريبه لي وثقه عادي بس غريبه بروح بأدب بسألها وبخليها تحذفها

أنا ما تصور ابدا سواء من نفسي ، او من اهلي ، الا التصوير ما اسمح فيه ، خط أحمر
حتى أني ما عندي ولا صورة محتفظة فيها الا صور البطاقات الشخصية
والمصيبة اعظم لو واحدة غريبة او قريبة تتجرأ وتصورنيد راح آمرها بعين العقل واطلب منها تحذفها على طول وعيني تشوف
أما اذا رفضت وعاندت وسوت نفسها شاطرة : راح أوريها العين العورا ، حتى لو وصل الامر أني اكسر جهازها ،
الله يعافينا ويبعد عنا البلاوي

أكيد قريباتي بيكون برضاي مستحيل بدون أذن يصورون لكن من معارفي أو غريبه و أكتشف تصورني أقل شيء بكسر جوالها هذا إذا ما كسرت سنونه و خشمه معه

اكيد لا لا امي ولا اختي ولا حتي زوجي هذي اعراض والجوالات مافيها ثقه سبحان الله ينسرق الجوال او يضيع او يتفرمت تروح اعراضنا لعبه بيد ناس مايخافون الله انا كل شي ولا التصوير ممكن بعض الأحيان خواتي يصوروني واحنا طالعين كشته مجمع او مطعم واكون بحجابي كامل مو باين مني شي عااادي ماعندي مشكله اما وجهي او جسمي لا طبعا