وش تسوين اذا في مشكلة بينك وبين زوجك؟؟؟

يارب ما يكون في مشاكل في بين الأزواج أبداً

لكن بالنسبة لي أكرة جدا المشاكل وخصوصا مع زوجي وأحاول بأي شكل أتخلص من المشكلة مهما كانت حجمها وإذا ما اتحلت ما أقدر أكل يعنى ممكن أفضل أيام بدون أكل

لكن إذا زوجي هزئني أحيانا أضحك إذا نفستي مرتاحة وما أبي أزعل لكن إذا معصبة تكبر المشكلة لأني ما أتحمل الكلام وأنا معصبة
وأستغفر ربي كثير وقت المشاكل والهواش

ويارب يسعد جميع الأزواج

شكورة حبيتي سحر العيون
والله لا يجيب المشاكل
بس هي بهارات الزواج فلابد منها
وين باقي الردود

والله على حسب المشكله بس مشكلته انو يقعد ايام مايكلمني واحس بقهر لانو لازم انا ابدا بالصلح حتى لو كنت مو غلطانه

الله لا يجيب المشاكل ان شاء الله
و ان صارت (نادرا) ما اكلمه و اخليه يتكلم لييين يشبع و ترجع المياه لمجاريها و انا ساكته ما ادري ليش
و اول ما يطلع اقعد افكررر و اروح اكتب كل اللي كنت ابي اقول له في مسج و ارسلها له و يرجع يقول لي ليش ما قلتي لي في وجهي :)

عسى الله يحفظه و يخليه لي و لبنته يا رب

كالعادة انا اراضيه واتنازل المهم ماينام زعلان

بس العجيب اني لو انا زعلانة من اي موضوع بقدرة قادر يتحول هو الزعلان وانا الغلطانة ومااكتشف الا بعد وقت من غبائي فريحت نفسي وصرت ماازعل حتي لو زعلت كتمت بنفسي ومشيت الامور مافي شئ يستاهل