كوبونات الراقية تسجيل الدخول

دحبورة

وش تسوين اذا ولدك قبل اقدامك ؟

الأسرة والمجتمع •

بنات ولدي حببي عمره ثلاث سنوات وسبع شهور امس حب اقدامي الله لا يحرمني منه بس حزنت عليه ولا كان ودي انهيه عن كذا مو عارفه وش اسوي علما انه اذا جلسنا مع بعض ما يخليني اتفرج التلفزيون بس في حضني ولا لازق فيني واذا وخرته عني شوي اقولك خلاص تراك طفشتني ابغى اتفرج يقولي ماما انتي زعلتي اقوله ايه يقولي خلاص ماما انا اسف ويقعد يبوسني في عيوني وخدودي ويديني وحتى اذوني والله ما ودي بس وش اسوي اتذكر ان امي ما تحب اللي يبوسها وكانت مره تتضايق وتهاوشنا بس انا الزق وحده فيها ما علي احببحب فيها الا ما تدزني عنها بس انتو كذا عيالكم عادي يحبون اقدامكم انا قاعده اعلمه الحين اذا سوى شي زين اقوله بارك الله فيك وجزاك الله خير وهو صار يرددها وصار يدعي لي انا وابوه امس ما شاء الله عليه رفع يدينه وقالي ماما سوي كذا يعني زيه ويقولي قولي يا ماما يقصد ادعي عشان يقعد يردد الدعاء ابوه فطس عليه من الضحك وبعد ما سكت قام يدعي من نفسه وابوه بعدها طالع فيه وهو مستانس حيل يعني اللي وده اعرفه الحين عادي اطفالكم يحبون اقدامكم ولا لا ؟؟؟؟؟؟؟؟="Arial Black"]
32
7K

يلزم عليك تسجيل الدخول أولًا لكتابة تعليق.

تسجيل دخول

كتالوج
كتالوج •
ماشاء الله الله لايضره يختي اذكري الله عليخ حرام لاينصاب بالعين بسم الله عليه ولا تقولين لاحد
ام عمر ويزيد
ام عمر ويزيد •
ايوة ياقلبي عادي يبوسون القدم بالعكس المفروض ما تتضايقين المفرضو تفرحين لان من شب على شيء شاب عليه
انا اتكذر ان الشيخ العريفي يوقل عودوا عيالكم انهم هم اللي يلبسونكم الاحذية الله يعز السامع علشان يتذللون لكم وخلوا عيالكم يتسابقون في هالشيء
يعني بالعكس لازم تفرحين بس شكل الوالدة مؤثرة عليك يوم انها تكره انكم تتلزقون فيها علشان كذا انتي متخوفة او متضايقة من تبويس ابنك لرجلينك
ماشاء الله عليه
ربي يحفظه ويطرح فيه البركة
شابورة
شابورة •
والله انا كمان

عندي ولدي الكبير عمره 7 سنوات تقريبا .. دااايما يبوس رجولي !!!!!

احيانا اكون باتفرج تلفزيون يجي ويبوس رجلي ويبتسملي

ماادري احس وقتها اني انحرج وابتسم واحضنه .. وابووووووسه :)

وعندي ولدي هذا احنننن واحد في عيالي وطييييب وهااادي ويسمع الكلام ولايكسرلي كلمه

الله لااااا يحرمني منه ولا من اخوانه :)

والله ساعتها مرررررررره احس باحساس حلوووو وانبسط وادعي في قلبي ياااارب يهديه ويرزقني بره هو واخوانه ..
جوجه الاولى
جوجه الاولى •
ايوة ياقلبي عادي يبوسون القدم بالعكس انا بنتى كذا انا كانت كذا ابوس ابوى

وانا كبيره مو صغيره
طموحة جداً
طموحة جداً •
يا اخوااات من شب على شي شاب عليه... عيالكم لسى صغار لا تعودونهم على بوس الأرجل
ولدك عزيه ورزيه وعلميه كيف تصير راسه دوم مرفوعه... وعوديه يبوس راسك مو رجلك!
هذا طفل لسى مو فاهم شي... اذا نزل ارفعيه وقولي له: لا يا ماما بوس راس امك مو رجلها
الله يحفظ عيال المسلمين ويبعد بينهم وبين مذله خلقه