بسم الله الرحمن الرحيم
الموضوع لاخواتي الزوجات الي دايم مغلوب على امرهم من ازواجهم وخصوصا الزوج الي يلعب بذيلة الي يبيلة القطع وممكن من اخواتي الانسات الاطلاع على الموضوع للأفادة.
الموضوع غريب شوي لان دايم النصيحة هي وش تسوين في حالة انك اكتشفتي ان زوجك يخونك بس انا نصيحتي هي الأشياء الي ماتسوينها في حالة اكتشفتي هذي الخيانة...نفرض انك الان اكتشفتي ان زوجك خاين (مكالمة,رسالةجوال,شفتي شيء عندة,رسالة ورقية,بوادرخيانة) انتي الحين اول شيء مصدومة ما تدرين وش تسوين بهالموقف المفاجيء الي ما كان لا عالبال او الخاطر انتي طبعا الان خايفة. متوترة زعلانة بالحيل. كرامتك مجروحة.تفكرين بطريقة الانتقام المناسبة...
اولا:صلي ركعتين استخارة وادعي الله انة يثبتك ويخفف عليك.
( نصيحة)
(الثبات والصبر من الله)
ثانيا:حاولي تمسكين اعصابك وتهدين نفسك.
(نصيحة)
ادري انها صعبة بس حاولي باقصى ما يمكن
ثالثا:لا تحاولين بأي طريقة من الطرق انك تفاتحينة بالأمر سواء بالتصريح او التلميح خلي الموضوع عادي.
(نصيحة)
( لانة بينكر العلاقة وبيصير حريص وممكن تجيكي كفختين من باب تغيير الموضوع)
رابعا:لا تطلعين من البيت وتروحين لأهلك لأن وجودك بالبيت بهالفترة ضروري جدا عشان الأمور تصير واضحة لك.
( نصيحة)
(تحتاجين انك تكونين قريبة منة بهالوقت لأن التفكير راح يذبحك).
خامسا:حاولي مراقبة نشاطاتة اليومية راقبي تصرفاتة اتصالاتة خروجة ودخولة واكتبي كل شيء في ورقة.
(نصيحة)
( اقولك الورقة ما تشيل يبيلة دفتر ابو مية).
سادسا:اكيد انك تفكرين الحين انك تعلمين احد سواء من اهلك او اهلة او صديقة مقربة لك من باب الوقوف معك بهالمشكلة.مافي مانع بس الأفضل ان يكون الشخص مقرب كثير لك وحافظ للأسرار لان صديقتك ممكن تكون هي الأنسانة الي تخونك مع زوجك.
(نصيحة)
(ممكن انك تبين تسامحينة بالأخير فلا تخلين احد على علم بالموضوع عشان ما تصيرين علكة عندهم)
سابعا:لا تواجهين زوجك المصون بخيانتة الا اذا كان عندك ثلاث عوامل1-الدليل.2-الخطة.3-الهدف.
حاولي ان المواجهة تكون في اسرع وقت وتكون بعقل وحكمةوالوقت المناسب والمكان الزين .لا تواجهينة بالسؤال الاعتيادي انت خنتني لان الخاين كذاب في جميع الحالات لان الكذب من اساسيات الخيانةالزوجية .الحين جاء دور الدفتر العزيز واجهية بكل الأدلة الدامغة الي جمعتيها واسئلية ليش خانك وشي الأسباب ومتى بدأالخيانة ووشي مشاعرة لعشيقتة وش بيسوي بعد ما عرف انك عرفتي كل شيء.حاولي تكونين مستمعة جيدة لكل شيء بيقولة لأنك بتعتمدين علية في قرارك الاخير بخصوص علاقتكم الزوجية.
( نصيحة)
(لا تحاولين تواجهينة بدون دليل ابدا ولا تفكرين لان الموضوع بيصير ضدك مهوب لك)
ثامنا:لا تحاولين تتصلين على عشيقتة او تحاولين مواجهتها او تطلبين منها انها تترك زوجك لأنها ببساطة ما تهمينها في شيء.اكيد بتكونين فضولية بمعرفة كل ما يحيط بها ولكن لا تحطين نفسك في موقف سخيف ومذل ومهين وببساطة لا تحاولين تضعين وقتك معاها وهي ما تستاهل.لا تحاولين تجيبين طاريها لزوجك عشان لا تصير محور حديثكم محور حديثكم لازم يكون علاقتكم الزوجية بس.وهي اصلاح زوجك واعادة الاستقرار لحياتكم الزوجية.
واخيرا الحين جاء وقت اتخاذ قرارك تبين تسامحين زوجك وتغفرين لة وتبدأصفحة جديدة بينكم او انهاء العلاقة بينكم
(نصيحة)
(تذكري ايامكم الجميلة واوقاتكم السعيدة واطفالكم ان وجد ومواقف زوجك معك )
يقول الرسول الامين علية السلام(خير الخطائون التوابون). الصبر والاحتساب مأجورة علية اختي في كل الأحوال..
اتمنى انكم استفدتم من الموضوع لاني قريته وحبية اني انقله لكم واتمنى من كل وحده استفادة انها تشكرني فقط لا غير:kissa:
رينااس @rynaas
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
اعتقد هذه المراة الفولاذية