وش تسوين لو سمعتي هالكلام عليك

السلام عليكم ورحمة الله وبركاته
انا ماكتبت هالموضوع الا للاستشاره لاني محتاره مدري وش اسوي بموقفي
انا زوجي يحبني واحبه والحمد لله ماشين
وقبل يخطبني زوجي كانوا بنات عمه حاطين عينهم عليه ويبونه بس تركهم وتزوجني
يعني هو بالاصل مايبيهم واللي خطبني له مرة أبوه وكانت صديقة امي الروح بالروح
وأمي متوفيه الموهم هي مرة أبوه هي اللي دايم تخطب له ولخوانه وزوجي اخر من تزوج من اخوانه الكبار
وحماي اخو زوجي بينه مشاكل هو ومرته ويبي يتزوج وقال لمرة أبوه تخطب له وماحدد الموهم
واليوم انصدم انا وزوجي يوم روحنا لاهله ان اخوانه يقولون ان الرجال بالعشاء اللي ماحضره زوجي
امس يقولون ان زوجي خطب بنت عمه وعيوا مايزوجونه هو نفسه انصدم بالخبر وزعل ويوم سألت قالت مره ابوه
انه قالت لمره عمهم انها لو تخطب منهم بنتهم لواحد متزوج وعنده عيال يوافقون قالت لا ماازوج بنتي متزوج ونشروا هال أشاعت انا في البدايه ماهمتني الاشاعه ماعلي منهم مع أني انقهرت قلت بيتشمتوا فيه ويقولوا. ان زوجي بيتزوج علي وسالت أخت زوجي عشانهم بنات عمها قلت من اللي نشر الاشاعه قالت ان مرة أبوها قالت لو نخطب منكم فلانه(بنت عم زوجي) لواحد متزوج مثل فلان(زوجي) تزوجونه وقالوا لا
انا يابنات انصدمت انها هي قالته لانها اخر :( اتوقع يطمع الناس بزوجي او يطلع اشاعه
ولو يعني ماتبي تقول اسم حماي عادي هو اصلن الناس تدري انه يبي يتزوج ولو مابتقول اسمه كان قالت واحد متزوج وبس لانه مؤ زوجي الوحيد اللي متزوج قبله كثير وعندهم عيال
ايش رأيكم يابنات اخر شخص اتوقع منه هالكلام
ايش اسوي اعاتبها والا ازعل والا ايش مجرووووحه منها مدري هي قالت والا الناس تكذب عليها
بس انا اليوم ماسألتها يوم دريت عن الاشاعه هي جت وكلمتني وقامت تكذب السالفه وقلب وجهها وتقول لاتصدقين كذب مدري اصدق مين:(