انا ببداية الحمل مااشتهي شي ابدددددددد.......بعد الثالث بحملي الاول توحمت بالجح.........طول الوقت اكله ........وبحملي الثاني بالاناناس سوا فرش او معلب.........مع اني مرره قريت بالنتدى ان الاناناس يسبب اجهاض بس مااظن لاني كنت اكله بشكل خيالي...........بس بحملي الثاني كنت ببداية الحمل جايتني شغالة جديدة ....توحمت فيها وحم فظيع......كنت اذا جيت اكلمها استفرغ.......كان زوجي اذا شافها بالصاله يقولها روحي عشان مااشوفها واستفرغ.......بس ضغطت ع نفسي الين خفيت عليها لان رحمتها ماودي ارجعها وهي مالها ذنب....ايه وكرهت البيبسي في كل الحملين

اهلين بالحوامل الحلوين
ام فايز وش اخبارك وش اخبار الوحم معك انشاالله خف
ابغى اعرف رحتي للمطعم والا لا
ذقت السلطة اعجبتك ؟؟؟؟؟؟؟؟؟؟؟؟؟؟

اما عاد انا غير انا اول علامات الحمل عندي الارق قلة النوم يعني ماانام ويستمر لحد الاخير
طبعا انا عكس الخلق اللي يتوحمون على النوم اتمنى ان اكون زيهم لكن الله موكاتب لي في جميع الحملات وطبعا البيبي يجي مثلي ارق وقليل النوم وطوال الليل ونص النهاااار يبكي ولاينام الامتقطع عكس الاطفال الرضع
ام عن الاكل تقريبا اكره كل شي ولا احب اي حاجه اكره العطور ريحة البصل والطماطم والاكل وفي حملي هذه كرهت الشغاله الله يعينها علي اسئل الله ان يغفر لي زلتي لاني من اول ما ابيها ولمن حملت زادت الشغله علي
وكنت لمن اشوف الاكل اقول ياربي متى انتهي من الوحم عشان اكل كل شي وبالفعل خلصت وحاااااام منها وجاتني الالالام الضلوع والقفص الصدري منهاا ولا صرت اقدر اكل الاشي بسيط لانه حتى الشرب ضلوعي تسبب لي الم شديد
اللي حبيته في هذه الحمل الحلى مثل المارس السنكرس الباونتي البساكيت بصفه عامه واللي خايفه تسبب لي زياده في الوزن من غير فائده
وبعد اشتهي الشاي بكثره مع اني اول ما كنت اشربه الا في المناسبات مع العلم ان عندس فقر دم لكن اش اسوي القلب وما يهوى
اسئل الله العظيم ان يهون علي حملي ويثبته ويرزقني طفل سليم معافى ولجميع الاخوات يارب