رهيبة ياتسالي مشكووره على ردك وشكلي باصير صديقتك اذا تسمحين
يعني اي شي تشترينه وتلقين اسعاره حلوه عطيني خبر على الخاص او اذا لقيتي شي تخفيض حلو

انا حاطه ميزانيه للعطور2000بس لاني مابي اكثر عطور وتخرب وتتغير موضتها
يعني باشتري 5 عطور لي و2له وباخذ لي من باريس قاليري بالباقي

الفساتين باحط زواج كبير مافيه زواره كبيره يعني بافصل فستانين مااتعدى فيهم أربعه

<<<<مقسمه المهر حتى آخر قطره اذا تبين تشوفين كيف ارسلته لك على الخاص





جدتي حواء مشكوووورة على مرورك
تسلمين جي جي على نصيحتك ودعوتك

:)

السلام عليكم..

شوفي ياحلوة اول شي الله يوفقك ويسعدك..

ثاني شي الله الله بالدعاء ..ولا تنسي الصدقة ولو بالشي اليسير عشان ربي يطرح في مهرك البركة..

بالنسبة للتجهيز اكتبي كل شي بورقة وحددي المبالغ واذا جيتي تنزلي للسوق خليها نزله لشي معين مثلا نزلة للانجري ونزله للاقمشة وهكذا..واحرصي ان كل لبس يكون كامل يعني فيه جزمة وشنطة مناسبة..

من الاشياء اللي ممكن افيدك اللنجري استغلي فرصة التخفيضات وخوذي لك قطعتين من كل نوع 2 قصير و2طويل و2 قطعتين و2شورتات و3 بيجامات واحده كم طويل وواحده كت وواحده حبل ولا تكثرين عشان تشوفين ان شاءالله بعد العرس وش يناسب زوجك ..بس اذا لقيتي شي حلو وسعره حلو خوذيه بس لا تكثرين..

بالنسبة للبس البيت نفس الحاله خوذي لك قطعتين من كل شي 2 بناطيل طوال و2برمودا و2شورت مع بلايزهم وبدياتهم و2تنورة قصيرة و2فستان قصير نعوم ولا تأخذين شي غالي او لازم ماركة اهم شي يكون حلو عليك ومناسب لك واتوقع جنيفير تلقين عندهم..

بالنسبة للعبايات خوذي لك 3 واحده مع طرحة وغطا ساده للطلعات العادية واللسوق وواحده مع طرحة تكون حلوة للزيارات الرسمية وواحده تكون كشخة مع طرحة كشخة للمناسبات الكبيرة والزيارات الرسمية الفخمة..

بالنسبة للعطور صراحة باريس غاليري يبالغون باسعارهم جدا جدا والافضل تاخذين لك 4 عطور 1للنهار 1 خفيف للانجري و2 رسميات عندك ديور وشانيل ولاننسى دهن العود والبخور..وليش تشرين له عطور هو يشري لروحه والله يااختي الواحده مننا تحتاج كل قرش عشان تصير اغراضها كامله وان كنتي ملزمة خوذي له واحد ويكفي...

فساتين السهرة انتي ادرى باللي راح تاخذينهم هل هم راعين عزايم ؟هل فيه زواجات معك بنفس الوقت راح تحظرينهم؟؟شوفي من رايي تحطين 2 رسميات وفخمات مع فستان الزواج و2 وسط و3 ناعمات تنفع للعزايم الصغيرة وهي اكثر شي راح تستهلكينها يعني ممكن واحد تلبسينه للعيد بعد زواجك...

الشناط والصنادل خليها اخر شي لحد ماتشوفين فساتينك ولبسك وش الالوان اللي تحتاجينها ولا تكثرين عشان تجددين بس خوذي لك جزمة مريحة عشان شهر العسل وكم شحاطة نعومة للبيت مع الانجري واللبس البيتي مع شنطة تكون عملية عشان اغراضك ...وطبعا بوك حلو..

لمفرش خوذي لك واحد كامل وارشح لك دبنهامز ولورا اشلي مع طقم الحمام ولا تتعدين 3000 واذا بغيتي خوذي لك واحد بحدود 300 للتغيير..

شوفي الذهب اذا الشبكة بيضاء خوذي طقم ذهب اصفر اوالعكس عشان تستفيدين يعني يصير عندك طقمين وكذا افضل لان الاطقم الكبيرة قليل تنلبس وعشان تشترين لك طقم محرز ..وخوذي لك ساعتين مثلا وتعليقة نعومة بيضاء ونعومة صفراء ..واذا قدرتي توزعين الدهب على الهدايا يكون افضل..يعني اذا خالاتك يبغون يهدونك خليهم يجتمعون لك بهديه تكون كبيرة ويطيح عنك شي وممكن تخلينهم يجيبون لك ساعة رسمية وكذا ..يعني مثلا انا شريت طقم الماس من المهر وجاني من خوالي هدية فوق 10000شريت فيهم ساعتين وعمومتي جمعن هديتهم وشريت طقم حلو كبير لانه ماجاني شبكة..شوفي صديقاتك اذا بيهدونك خليهم يجيبون لك تعليقات والله احسن...

بالنسبة للملابس الرسمية خوذي لك 5 تيورات رسميةمع ملابس السهرة البسيطة يكون عندك 8 وتشكلية لبس سبور مثلا 10عاد انتي وهمتك لا تاخذين تنورة الا وانتي مطقمه لها بلوزة او فستان الا معه بلوزة لا تاخذين شي ناقص ابدا ابدا..

لا تنسين الملابس الداخلية كثري منها ..

بالنسبة للسفر خوذي كل اللانجري ولبس البيت وكل حركات الدلع وخوذي لك لبس عشان اذا رجعتوا من السفر تلبسينهم..

لا تنسين الكريمات والبدي لوشن والمناديل والكوتكس اكرمك الله وخوذي ابرة وخيط .. والاستشوار واللفافات والسبراي ..


هذا اللي طلع معي وان شاءالله اذا ذكرت شي اقول لك..

تحياتي

مشكووووووووووووووورة كثير SIMPLICITY
على نصااااائحك الرائعه اللي افادتني كثير

:)

العفو اختي وان بغيتي شي لا يردك الا لسانك..

تحياتي

يابعدهم انتي سمبلسيتي
تسسسلمين ليت كل البنات مثلك