وش تصنفون تصرفاتها وش تبي توصل له؟؟؟ لاني بجد احترت

السلام عليكم
بدخل بالموضوع دغري
هذا سلمكم الله زوجي انسان بطبيعته
عاشق للسفر والكشتات والفله والجمعه
مثل ابوه ابو زوجي ايام شبابه مثل زوجي
يعني بالشتاء اسبوعين يكشت يومين بالبر وكمان ظروري
بالسنه 3 مرات سفره الوحده مع الشباب وكمان اذا سافرو اهله منا ولا منا مايقصر يرافقهم
هو انسان بطبيعته يعشق السفر حتى انا الحمدالله مايقصر معي ويسفرني الوحدي
طبعا حتى بداومه اذا طلعتلهم دورات سفر برى تطوعيه نقز زوجي وطلب يضمونه للسفره
يعني هو بطبيعته انسان رحاله السندباد ههههههههه يعشق السفر
طبعا نجي للمهم
انا سفراته الوحده تضايقني ودايم انضايق انه يسافر الحاله كثير ونتزاعل ونترضى بسبب سفره الوحده مع الشباب مايريحني واتضايق
وطبعا نجي الاخت زوجي
واخت زوجي بنت ماتزوجت تخرجت من الجامعه السنه اللي راحت
دايم اذا جيتهم زياره مسكت سيره الرجال اللي يسافرون كثير انهم رجال خربانين واي رجل يسافر بدون زوجته رجال وراه بلاوي وتبدا تقصلي من ذا القصص عن صديقاتها المتزوجات وزواجهم وانهم يسافرون وطلع يسافر الخراب واضن اغلبها تأليف مدري وش مقصدها من هذا كله
ودايم تقول لو زوجي مثل اخوي بس يسافر والله مااسكت له مدري وش تبي توصل له تعبت منها كل ما جيتها فتحت ذا السيره والمشكله ماتجيبها بشكل مباشر تجيبها على انها صديقتها وعندها نفس زوجي بالضبط
وكله كووم واذا زوجي بيسافر وحده وهي تدري انه بيسافر قريب تبدا تسألني اجل فلان بيسافر
ومتى بيسافر متى طيارته وتطالع بعيوني وتتبوسم واحسها تدري ذا الاسأله تنرفزني بس تبي تسألني مدري ليش
بالاخير قلتلها يافلانه مدري عنه متى بيسافر اذا عندك اسأله اسأليه هو لا تسأليني انا
انا بعرف هذي الانسانه وش غايتها ابي افهم
والله العظيم مره قالتلي انتم مو حريم تسكتون لرجالكم وتخلونهم يسافرون
وش تبيني اسوي اتهاوش مع اخوها عشان تنبسط وش مقصدها كل ماشافت وجهي فتحت ذا السيره وش تبي بالضبط تكفون يابنات فهموني لاني تعبت
واخرها قبل شوي زوجي بيسافر بعد عشر ايام وماعمرها دقت علي ولا شي وقبل شوي دقت علي تسلم وتتحجج تقول عطرك وش اسمه وقلتلها قالت ايه زين عاد بسألك فلان متى بيسافر وقلاع طيارته متى قلت ياقلبي ماسألته ولا لي خلق اسأله يالله مع السلامه وسكرتها
قهرتني ابي افهم وش غايتها