وش تفسرون تصرفاته

يا بنات زوجي طيب و حبوب بس احياناً عليه تصرفات ترفع الضغط و انا الحمدلله مو مقصره معاه بشيء بس لما يصير قدام الناس يعاملني كأني مسوية جريمة يصارخ علي و يتأمر علي مو مثل في البيت ابد امس كنت انا و اياه و اهله طالعين نتمشى جيت قلت له البنات بيقومون ب اقوم معاهم قال لي بصوت عالي اقول انطقي مكانك ما بقى الا هي تقارنين نفسك باللي اصغر منك انتي مرة متزوجه مو مثلهم قلت له طيب انا استأذنت منك ما قلت ب اقوم بدون اذنك قال خلاص لا يكثر اصلا الشرهة موب عليك علي انا اللي ماخذك معنا و كلهم يناظروني ويتبسمون المهم انا سكت ولا قلت ولا كلمة ناظرت خالتي الا هي متضايقة من كلام ولدها ما حبيت اضايقها اكثر اخذت ولدي وجلست العب معاه و بعدين و احنا راجعين اخواته قالو يبون يمرون السوق علشان يشترون اغراض انا اول ما دخلت مسك عربية ولدي ورحت بطريق غير طريقهم جاء يقول لي بنبرة حادة انتي وين طاسة قلت له بكل برود حتى انا ابي اتفرج و مشيت عنه مدري وش جاني بس حسيت فيني قوة مو طبيعية وما كان هامني حتى لو صارخ علي قدام الناس المهم راح عني علشان يشيل اكياس اخواته و انا كل ما راحو مكان رحت مكان ثاني جاني هو و اخته الصغيرة و كان واضح انه معصب اخذ العربية من يدي بقوة و قال امشي معانا زي الخلق قلت له ما ابي ورحت وخليته قال و الولد قلت له انت ابوه ما راح تقصر و مشيت وفيني غصة بالسيارة و احنا راجعين البيت يسولف ويضحك و اذا انا تكلمت سفهني لما رجعنا البيت ما كأنه سوا شي جاي يسولف و يضحك و وش تبين عشى ولا وش رأيك نطلع نتعشى بالمطعم و انا شايلة بقلبي عليه قهرني قلت له ما ابي شي بالعافيهه عليك اخذت ولدي ودخلت حممته و غيرت له و رضعته ونام جاني يتكلم كلام معسول و انه دام الولد نام خلينا ناخذ راحتنا و ما ادري وش قلت له حتى انا تعبانة و ب انام و دخلت الغرفة و خليته دخل لبس وطلع مدري وين راح و رجع الصباح و هو زعلان ولا يتكلم و لا يقول شي و من وقتها و هو ساكت و مبوز بس ما كلمته ولا جيته يا بنات يحق له يزعل و يقلب الغلط عليه و لا انا من حقي ادافع عن نفسي قدامهم وربي اني احس بجرح داخل صدري الله يسامحه بس