السلام عليكم
كيفكم بنات والله اني ارتاح لما اكتب لكم احس عالاقل فيه احد يسمعني ويشاركني همومي
ابدخل بالموضوع على طول
عندي وحده من خواتي غريبه وما اكتشفت الشي هذا الا الحين وانصدمت ولا ادري وشلون اتعامل معها
قبل سنتين تقريبا صارت بينها مشاكل وبين اختي الثانيه وطوال ذيك الفتره وهي تتقرب مني يعني تعزمني عندها كثير
تعزم بناتي عند بناتها واحيانا تزورني وتحاول تكرهني باختي الثانيه تنقل كلامها اوتفسر تصرفاتها على انها سيئه
والفتره هذي بدت الامور بينها وبين اختي الثانيه تتحسن ورجعوا عادي
المشكله قلبت علي صارت ماتحب تتكلم معي واخرها باستراحه الاسبوع اللي فات اسولف معها بسالفه مره حازه بخاطري
وابيها توسع صدري بكلمتين لكن كانت تسلك لي واذا قلت شي ترد بثقل وما لها خلق لين تحسفت اني كلمتها
وزياده بنتي وبنتها صغار سنتين فجاه قعدت تهاوش قدام الحريم ان بنتي طقت بنتها طيب الاطفال ما هم بيدنا عيب نخليهم
اكبر همنا ولو انا شايفه بنتي وهي تطق بنتها ما راح اتركها فالغريبه ليه طولت اللسان
واخر حركه نفس البنت جت لامها تصيح تبغى بطاطس وبنتي معها بطاطس مادري من عطاها اياه تخيلو جت واخذت
من بنتي البطاطس وعطته بنتها وهي معصبه حتى ماكلفت عمرها تاخذ منه حبتين وتعطي بنتي وانا سويت نفسي مانتبهت
لاني مصدومه ولاني ما احب اتمشكل على التفاهات بس بصراحه زودتها والغريبه ان بناتها الكبار نفس الشي قاطعو بناتي
اللي بعمرهم
مع العلم اني ما شجعتها على قطيعه اختي الثانيه بس هي كانت تشكي لي وتفضفض على قولتها اما انا احب اكون حياديه
ولا اتدخل بمشاكلهم
وش رايكم الحين وشلون اتصرف معها وش تفسير اسلوبها يعني لما تراضت مع اختي سحبت علي طيب ليه كلنا خوات ليه
التحزب ما ادري ابي منكم حل تكفون الله يجزاكم خير

زوجة سيلفر @zog_sylfr
عضوة فعالة
يلزم عليك تسجيل الدخول أولًا لكتابة تعليق.

sho0_sha3
•
اختك نفسية

ورب البيت زي اختى بس اختى اقووى واعظم اختى تشوف اعداءي وتمدح فيهم قدامي وكل ماتشوفني
تستغفر واشياء لو اقولها تعبت نفسياتكم من القراءه
تستغفر واشياء لو اقولها تعبت نفسياتكم من القراءه

السالفه يدخل فيها نفسيه
يمكن تغار منك لان متفوقه عليها ببعض الشغلات
لان اختي الكبيره للاسف تسوي نفس حركات اختك
وانا زيك مااحب المشاكل
منـــــــجد الله يشفيهم ولا يبتلينا

الصفحة الأخيرة