وش تفسرون هالحركات ؟؟انا احترت؟؟

السلام عليكم حبيباتي الحوائيات-بنات انا متزوجه من 6 سنوات انا وسلفتي بيوم واحد انا زوجة الا كبر وانا وياها نفس السن -اول ماتزوجنا كانت علاقتنا تمام التمام لاني اعتبرها اختي ويشهد الله وفجاه بدون مقدمات بعد سنتين بدات تبان على حقيقتها ماعاد تقدر تجاملني والله يابنات انها ماتحب المكان اللي انا فيه لدرجة انها لمن تكون بتروح لمكان وتعرف اني بروح تقوم وتكنسل حتى وصل لدرجة انها ماتروح لاهل زوجي الا اذا تاكدت اني مابروح زي نصف الاسبوع او ماتروح بالشهر الا مره واذا كنت مسافره تروح كل خميس لاني انا حاطه جدول زيارة اهل زوجي الخميس تصدقون يابنات اني كنت معزومه بزواج وقلت يالله بكلمها تجي معاي تغير جو وبحكم اني مااشيل في قلبي وعلى نياتي ماالاحظ حركاتها ولمن اتصلت عليها قلت انا عندي زواج كذا وكذا قالت فين قلت في القاعه الفلانيه قالت لا مااقدر اروح تعبانه ولمن حضرت الزواج واجهت فيه امها واختها طلعوا يعرفون المعاريس ومعزومين بحسن نيتي سلمت عليهم قالت امها ياليت فلانه اللي هي سلفتي جات ماادري اشفيها كانت بتجي وهونت فجاه هذي امها تقول- ساعتها تاكدت انها ماتحب المكان اللي انا فيه وكمان ام زوجي حاطه جدول كل اربعاء عندي ومره عندها صارت ماتجي في الاربعاء اللي عندي الين ام زوجي حست وهونت لاني انا رحت كذا مره عشان زوجي بعدها قلت شوف انا ماراح اجاملك انت واهلك واروح لها على حساب كرامتي خلاص واااضحه وباينه-حتى في العيد لمن عرفت ان عندي ولاده اخذت ام زوجي وسافرت تستانس تدرون ليه عشان على وجه ولاده ولا اقدر اروح -حتى عمتي قالت انا ماني جايه بجلس عشان فلانه نعيد معاها قامت حلفت على عمتي وعمي واهلي بعيدين وماعندي احد لو اولد هي وزوجها -ولو انا مكانها مارحت وفرقت اهل زوجي في العيد تبعت الظروف عشان زوجي والواحد يعمل بنياته- ويوم العيد قالت عمتي شكلك قربت ولادتك تعبانه قلت ايه ياعمه هاليومين يمكن اليوم خلاص وبعد الظهر قالت عمتي يالله بروح انام ونتلاقى بالليل عشان نخرج نستانس ونعيد تدرون وش قالت قالت اففف ليه عمتي مابتسافر لازم نسافر انا جهزت شنطتي وطالعت فيني قالت يووه الله يعينك عذرك معك ماتقدرين الا انها تغيظني وعمتي جلست تعتذر مني ومن زوجي وتقول حلفو علي- سبحان الله طول السنه مقصره مع عمتي حتى بالزياره واخر شي بتسوي كذا عشان انا ماابروح- وولا بعد ماولدت والله يابنات مارفعت السماعه الا خامس يوم وجات حتى مافي شي في ايدها وبدون نفس تزورني من 12 الليل الى 1 ومشت وهي جالسه تقوا عشان تحسفني كانت رحلتنا وسفرتنا مررره حلوه احلى فندق واحاى سفره الا يابنات تنكد علي وولدت واهلي بعيد وشغالتي ماجات وتورطت حتى مافيه كلمت تحتاجين شي بالسماعه- وانا قسما بالله انها ولدت قبلي ب4 شهور والله رحت لها عند اهلها وبهدايا لها ولولدها ومااحتسب الا الاجر ان شاء الله كله عشان ام زوجي راحت ورحت لها- حتى انا وزوجي نطلع مع اصحابه وزوجاتهم فزوجي ناداه كم مره عشان ينبسطون ويجون معانا تدرون اننا اكتشفنا بعدفتره انها لمن تخرج مع زوجها يكلموا اصحابهم واحنا لا تخيلوا حتى احس زوجي اخذ في خاطره من هالحركه عشان اخوه لها الدرجه يساير زوجته0والا حظ عليها انها تقلدني والله والعظيم في اي شي بس عادي كل واحد واسلوبه -لكن اش السبب في هالحركات ماادري- بس في نقطه هو ان اهل زوجي دائما يمدحون فيني والله يابنات وماعرفت هالشي الا من الناس والله العظيم موبس ام زوجي حتى حريم اعمامه وعماته والحمدلله لا في بيتي ولا جمالي ولا اخلاقي والاخلاق اهم شي معاها ومع غيرها ماشيه باخلاقي-لدرجه ان ام زوجي مره قالت لي لمن تسافرين احس انه في نقص فينا او ناقص شي والله يابنات -لكن مااقول الا الله يعطيها على نياتها وماادري كيف اتعامل معاها؟؟؟؟لانها حيرتني حتى لمن تقابلني تسولف وتضحك بس عادي لاني والله واثقه ماقد غلطت عليها او تكلمت فيها يشهد الله مافيه شي بس افعالها غريبه؟ مادري وش تفسرون اللي تسويه؟؟؟؟؟