اللبنه الزيتون الجبنه البيضاء و الصفراء البيض بس البيض مو كل يوم عسل و قشطه زبده و مربى فول حمص حليب عصير و زي ما حكت اختي ام ملاك15 اهم شي اللمسات الاخيره و الله يوفقك

احيانا انوع على حسب مزاجى لان زوجى من النوع الي مايتشرط مره احط الفطور بيض مسلوق وفول وخبز عربي وحليب وعصير برتقال طازج ومره احط الفطور عصير جزر وتوست محمص وجبنه سايله وبيض مقلي ومره احط الفطور سندوتشات تونه بالفرن وعجه وكرواسون وسلطه مشكله وحليب ومره مالي خلق نشرب قهوه بس ههههههههههههههههه والله يوفقك اختى

يعطيكم العافيه خواتي
استفدت من افكاركم وياليت باقي البنات يشاركونا بالموضوع

اول شي شوفي ايش يحب :
اول يوم نواشف وبيض مقلي
تاني يوم كبدة
تالت يوم شكشوكه
4 يوم كرواسان بالجبن

5 يوم بنكيك
6 يوم سندويشتات جبنه
7 يوم بيض بالسجق
8 يوم امليت مع نواشف
9 يوم كورن فليكس مع شابورة وبسكوت ونواشف ..
10 يوم فول مدمس وحمص
ولا تنسي شاي وشاي بالحليب ونسكافهبالحليب وحليب بالهيل وقهوة سادة محلاة اوغير محلاة ..

بعدين حيقولك رايه يمكن يبغا فطور خفيف ..

في أشياء كثيرة تقدرين تسوينها
الحمص االي يجي بعلبه كرتون ( السعودي احلى شي ) اتحطينها بطاسه عليه شوية صغيرة ملح مع شوية خل عادي مع شوي عصير ليمون مع ربع علبة قشطه مع طحينيه .. تخلطينها مع بعض وحطيها بالصحن . وزينيه بالزيتون الاخضر .. واذا تبين اتسوين حركة حلوه ----> جيبي شوكه وبلليليها بماي وبعدها غطيها بفلفل احمر مو حار او حار وبعدها اضغطي بالشكوة على الحمص من ناحية اطراف الصحن .

فول مع طماط: اتقطعين بصلة مربعات صغيرة وتقلينها بشوية زيت بعدها اتحطين كم حبة طماط مبشورين على البصل وشوية ملح مع فلفل اسود .. بعدها حطي عليها الفول المطحون اللي يكون بعلب وانتي تطحينه وخليهم يغلون على نار خفيفه لما اتشوفين انه نشفت الماي عنه.

البيض مع الطماط : قطعي حلقات طماط صفيهم بالمقلاة مع شوية زيت وملح وفلفل اسود .. قصري النار وغطيه , خليه يستوي الطماط .. بعدها اكسري فوق الطماط البيض بس بشكل حذر شوي علشان ياخذ شكل بيض عيون .. لا اتحركين البيض بس حطي عليه شوية ملح وفلفل اسود وغطي المقلاة مع النارالخفيفه.. ما يستوي البيض زينيه ببقدونس مقطع .
انا ما احط بيض لاني ما احبه بس اذا استوي الطماط احط عليه نعناع ناشف بس بصراحه روعه يكون

المسبحة : نفس طريقة عمل الحمص اللي انا ذكرتها بس تضيفين عليها الحمص الحب.

المفركة : تاخذين البطاط المقشر واتسوينه مربعات صغار بعدها قطعي البصل مربعات وقليهم شوية زيت بمقلاة وبعدها ضيفي البطاط مع شوية ماي وخليهم يغلون على نار هادية .

المقالي : الزهرة ---> قطعي الزهرة قطع كبيرة واسلقيه مع ماي وملح بس لا تستوينه حيل بعدها اقليه .. اذا تبين بالاول تغمسينها بطحين راح تطلع احلى
البطاط مع البيذنجان

الكبدة مع دبس الرمان : تاخذين الكبده لفرش بعدها اتقطعينها . تقلين بصل مع الكبدة واتحطين الملح مع الفلفل الأسود .. اتحطين شوية ماي مع شوية دبس الرمان .. اتخلينه يطبخ على نار هاديه وتره ما راح ياخذ وقت.
هذه طريقه حلوه بعد انا شاركت فيها بالمنتدى
http://forum.hawaaworld.com/showthread.php?t=420349

الفاصوليا الحمرا بعد حلو - تونه مع ماينويز مع ليمون -قشطة مع مربي - جبنه فرنسية مع نعناع جاف- لبنة مع زعتر - وشنو بعد وشنو بعدد يا فيوليت .. خلاص اذا تذكرت شي اقولج طيب؟؟