وش تنصحوني اغير حليبه ولا لا

السلام عليكم ورحمة الله وبركاته

وش اخباركم ان شاء الله تمام

بنات محتاجه نصايحكم لاني والله احترت كثير

الموضوع ولدي الله يخليه لي جنني هذا بكري عشان كذا ضايعه كثير ومادي وش اسوي

عمره 3 شهور ومن يوم طلع من المستشفى عطوه حليب اس 26 جولد

اول اسبوعين تمام ماشي معاه ولله الحمد لا ماغص ولا اسهال ولا ترجيع

بس بعد الاسبوعين صار يرجع على خفيف وبعد الرضاعه اذا رفعت على كتفي عشان يخرج الهواء

لازم يخرج شوي من الحليب احسه اثقل شوي من الحليب وسالت الدكتوره وقالت عادي لان الحليب

مسبب له غازات وعطتني نقط للغازات بس ماستمرين عليها لانه مو مزعجته ومابي اعوده على الادويه

وكنت بس اعطيه 60 ملي كل ساعتين بس ماتكفيه ودايم يبكي يبي زياده وزدته 90 ملي كل ساعتينين

وجلس اسبوع تمام بس ترجيع خفيف اذا رفعته على كتفي بس له 3 اسابيع يرجع كل الرضعه رجعت للدكتوره

قالت قللي الرضاعه والمده يعني بدل 90 كل ساعتين تعطيه 60 كل ساعه بس هو مايتحمل 60 ماتكفيه

وهو الله يهديه من النوع الي حتى لو شبع مايطلع الرضعه يستمر يرضع حتى لو شبعان وبعدين يرجعها

الدكتوره اول مره قالت اذا بتغيرين خذي نوفلاك بس انصحك ماتغيرين

والمره الثانيه بعد قالت لاتغيرين لانه مناسبه لا سبب امساك ولا اسهال ولا ماغص بس غازات صح تزعجه

بس مو كثير واذا بتغيرين خذي اس 26 للترجيع

والمشكله الثانيه ان كل من شافه قال ليش صغير طفشوني مع انه ولله الحمد صحته تمام ووزنه حلو تقريبا

6 كيلو ونومه حلو ونصحوني كثيرين بحليب نان يقولوا يسمن وخايفه اجربه

مشكلتي اخاف اغير الحليب للنوفلاك على كلام الدكتوره او نان على نصيحة الناس

واكون بمشكله واكون بثنتين اخاف يجيه ماغص او اسهال واتعب معاه

لان ولدي الحين بسم الله ماشاء الله جدا مريح نومه وشربه ولعيه كل شي تمام

بس مشكلتي الترجيع لو شوي عادي بس تقريبا كل الرضعه يرجعه اذا صاحي بس اذا نايم تمام مايرجع شي


انتم وش تنصحوني لاني والله تعبت منه خاصه لما اكون عند ناس ويرجع يحرجني كرهت اطلع من البيت منه

ساعدوووووووني