هلا فيك وين ما كنتي رايحة..

شوفي عيوني أسئلتك صعبة الواحد يجاوبك عليها لأنكم لما الحين ما رسيتوا وين تبون تروحون..

بس إذا تبين مكان مريح للمعاملة..أنصحك بكندا...أمريكا عارفة بلاويها الله يستر على المسلمين هناك...

و أستراليا...العنصرية عندهم هناك فضيعة...هذا غير إن الانجليزي حقهم متخلف !

بريطانيا...ممم...أحس البريطانين جافيين ..بس أهون من أمريكا و أستراليا و اسم إنك بأوروبا..

كندا..ناس حلوة و جامعات عريقة...و جو حلو..بس بعييييييييييدة...و فيها تمشيات..بتخلص بعثتكم و إنتم ما درتوها كلها...
و بالنسبة لدراستك...مو إنتِ عندك طفل الظاهر ؟

إذا طفل واحد ممكن..بس إذا أكثر..أنصحك تعيدين التفكير إذا تبين تكملين ماستر و إلا شيء...لأن مع طفلين و زوج و شغل البيت كلللللللللللله على راسك..صعبة دراسة الجامعة..بس ممكن دورات على الخفيف..

و أي سؤال ثاني أنا حاضرة..

و الله يكتب لكم الخير و ين ما كنتم...


بعدين إنتِ من سدير صح ؟

شوفي اقولك شي أنا في امريكا وما أحس اني اتهنى بالتماشي .. لانه تعرفي الزحمة والناس والصجة وهدا الشي مايعجبني ..

عندي الحدايق والمزارع هده حلوة ..

الناس هنا ماعندهم لقافة .. وماشي حالهم ..

والله عن الدراسة ما ادري.. بس الفيزا وبياختها تخلي الواحد مايجي ..

زوجي يقول لو مافي دراسة ما اطالع في وجههم..

لما رحت السفارة استغربت من اليي رايحين سياحة ايش يحملهم قرف الفيزا !!!

انا في استراليا واحس الوضع مريح بس دراسة اللغه عندهم طويله وفيها صعوبه لانها تعتمد على مهارات كثيره اما من ناحية الشعب مافيه عنصريه وهو شعب مليان من كل الجنسيات لدرجة انك ماتتوقعين انك في استراليا صينيين وهنديين بكثره ولبنانيين وعراقيين
وهي مريحه من ناحية الاكل العربي متوفر بشكل غير طبيعي يعني منتي ملزومه بشحن الا ماندر وان جيتي من ناحية تمشيه بصراحه رائعه فيها اشياء كثيره وحلوه انا تكلمت لك عن الدوله الي انا فيها اما غيرها ما اعرف .

الله يوفقكم ويريح بالكم

شكلي زي ما قالو الاخوات ابسال عن الجامعات اول

السلام عليكم
هلا اختي
لا تخافي توكلي على الله والفيزا ما تاخذا اكثر من اسبوعين تقريبن وتاخذينها هذا بخصوص امريكا وانا الان في امريكا واحسها كويسه ومريحه والكل في حاله ولا في مضايقات مثل ما كانت الناس تقول وفي مناطق كثير والان مليااااااانه امريكا سعودين كانك في ديرتك واكثر ماتروحين شارع الا شايفه سعوديه بحكم انفتحت البعثات الامريكا
واي مساعده او استشاره انا في الخدمه

تحياتي الخالصه لك