وش تنصحوني به محتاره

بنات انا بحاول اختصر لكم قصتي او بالاصح موقفي الي صار قبل شهرين ولازال مانسيته لاني مازلت اسمع صداه
مابي اطول عليكم قبل شهرين توفي اخوزوجي الله يرحمه ورحنا نصلي عليه بالمسجد مع بناته ثنتين بالجامعه وبعد ماصلينا تحية المسجد وقعدت اهدي البنات انا وصديقة امهم دخلت علينا طليقة زوجي وقعدت تهديهم معنا وقالو البنات روحي معنا لبيتنا قلت ***** الله هاذا قبل تجي طليقة زوجي بعدماجت قالت بروح معكم وانا كانو عيالي صغار بالبيت قلت خلاص الله يجزاها خير وانا بروح لعيالي وابجيهم العصر للعزا وكان الصلاة عليه وقت الظهر رجعت البيت وهي راحت معهم بيتهم العصر رحت لهم ولقيتها عندهم وجو الناس للعزا وتجمعنا وعزيناهم وكنت اجيب معاي قهوتي بعدين كانت بنتي تعبانه واعتذرت من سلفتي ورجعت البيت واليوم الثاني رحت لهم المغرب وجلست عندهم ونفس الموال لقيت طليقت زوجي عندهم مع انها يابنات ماكانت اول تجيهم بس يوم العزا لزقت فيهم واول كانت تكرهم اي يوم كانت عند زوجي
المهم قعدنا نسولف والناس هاذا داخل وهاذا طالع يعزون وقالت البنت الكبيره عماني ماجو جلسو عندنا مع ان زوجي دائم عندهم لان احنا قريبين من المنطقه الي هم فيها بس اخوانه الباقين في منطقه بعيده بس جو وصلو عليه ودفنوه ورجعو لمنطقتهم وكان واحد منهم مريض قلب وما جا المهم البنت قاعده تسب عمانها الي هم اخوان زوجي وتقول عمي ما جا قلت اي هاذاك حرام مريض قلب شكلهم خافو يقولوله يصير له شيء قالت وباعلى صوتها يرحم امك لاتدافعين عنهم قلت ترا هم عمانك مو عماني المفروض انتي تدافعين عنهم بس انا اقول الحق مادافع عنهم والله يابنات اني تضايقت من ردها قدام طليقة زوجي واختها مع انها هي بنت اخوزوجي الي ردت علي هاذا الرد كانت صديقه لي وكانت مابيني انا واياها اي اسرار كانت تفضفض لي وافضفض لها وبعد ذا الرد سكت قلت في نفسي ماعليه ممكن من حزنها على ابوها ردت علي والا هي طيبه وتخيلو يابنات اذا احد طلع تطلع معاه وتسلم عليه وانا ولا همها مارحت ولا جيت وقبل مارحت قلت اسمحولي اذا بكرى ماجيت ترا بروح لاختي كانت اختي حاطه حفلت مولودها وعازمتني واتصر علي اني اجي واختيي بمنطقه ثانيه وقلت اسمحو لي بروح لعزيمة اختي مصره اني اجي
وتخيلو يابنات اليوم الثالث مارحت لاختي لان عزيمتها باقي قبلها يومين المهم قلت لزوجي خلاص بروح معك للعزا
ورحت برضه لقيت طليقة زوجي عندهم ولما شافتني بسرعه راحت ولبست نقابها وجت وجلست وعند الحريم الي قبلي كانت تكشف من اليوم الاول انا شفتها تتنقب عني قلت لازم اتنقب عندها المهم لما تنقبت دخلت انا وسلمت وجت بنت اخو زوجي هاذي الي اقولكم ردت علي باعلى صوتها وجلست هي وطليقة زوجي بعد ماتنقبت جنب بعض والتفت ولتفتت بنت اخو زوجي وقالت مارحتي لاختك والله يابنات لولا احترام الزمان والمكان لرد عليها وكانت بلساني اني ارد عليها واقولها لا تطمنو بكرى ابي اروح بس قلت حرام فاقده ابوها وحزينه عليه مابي اجرحها وعشان امها واختها طيبات معاي وهي طيبه بس تغيرت علي من وفات ابوها قلت لا اخوي عنده دوام ماقدر يروح وكنت انا بروح مع اخوي لان زوجي في عزا اخوه مايقدر يروح المهم يابنات صارت تهتم في طليقة زوجي اكثر مني وتستقبلها وتودعها وانا على جنب مع اني انا كنت واقفه معهم اكثر منها وهي عمرها بالاربعينات يعني كبيره وانا بالعشرينات يعني انا الي بعمرهم مو هي طنشتها والله يابنات صرت معها مره رسميه وصرت ماعاد اعطيها وجه ونادتني امها طيبه وقالت لاتاخذين بخاطرك ياغلات على بنتي تراها تحبك بس نفيتها تعبت قلت بنفسي نفسيتها تعبت علي انا بس
وقلت لامها لاعادي اعتبري ماصار شيء وانا مقدره ضروفها وبعد تقريبا اسبوع بعد ماجيت من السفر زرتهم عشان خاطر امها مو عشانها وصار عندهم ضيوف انا غيرت علاقتي فيها مره صرت معاها رسميه ومااعطيها وجه وكانت هي حاسه بعد اسبوع تقريبا كلمتني على المسن وكانت تعتذر وتقول اعذريني انا ادري اني غلطت بحقك بس وش ايسوي اتعبت نفسيتي وصرت على طول انفعل قلت لا وش دعوى انسي الي صار
المهم يابنات من يومها لليوم وانا خلاص علاقتي فيها صارت سطحيه وهي تحاول تغير صورتها قدامي وتتلزق فيني
ومسويه مهتمه فيني بس انا خلاص طاحت من عيني عقب تصرفها معاي وصرت اروح لهم بس عشان امها لان امها واختها الي اصغر منها مره طيبين ومحترمات بس هي خلاص صارت عندي ولا شيء
المهم اني صرت اكره اروح عندهم عشانها مع انهم ايتام ومالهم غيرنا يعني مافيه احد قريب عندهم من اقاربهم الا انا وزوجي ودائم امهم تتصل الي سلفتي تبيني ازورهم وزوجي اشغاله كثيره وانا ماني طايقتها عقب تصرفها معاي والناس اكيد بيلومونا اذا ما نجيهم والي ابيه منكم خواتي انكم تنصحوني كيف اتصرف معاهم ومعها هي بالذات لا تقولون سامحيها ونسي انا خلاص سامحتها لاكن علاقتي ماراح تكون زي اول لاني انجرحت منها وانجرحت اكثر لانها جرحتني قدام طليقت زوجي انتظر ردودكم ويعطيكم العافيه:(