وش تنصحوني شغالتي بتسافر

والله ماعندي فكره بس اذا تقدرين تشترين اجهزه تريحك مثل غساله اتوماتيك-محظر الطعام من مولينكس-مكوى الكبس مثل المغاسل--- وهكذا وهالشهرين الي باقيه لها سوي معجنات وورق عنب وفرزنيها ومايضرها لوتقعد 6شهور فالثلاجه عالاقل لين تعودين على جو الشغل بعدين بيمشي حالك بس اول ماتروح بتحسين نفسك مضغوطه من الشغل وبعدها عادي والله يعينك اتمنى اني افدتك

انا قبل ماتروح شغالتي خليتها تفرم لي بصل وتكيسه وطماط وتعلبه وورقيات مثل البقدونس والشبت والكزبره وخليتها تلف لي سمبوسه وورق عنب وكرنب وسوتلي فطاير وكله بالفريزر والبيت غسلته غسل معها والمطبخ فركته فرك من وإلى يعني ماراحت إلى البيت يلق لق
وبيني وبينك يوم راحت انواع الراحه سبحان الله تحسين بشي ثقيل على صدرك
لكن اللي يدبل كبدي المواعين وغسيلهم ووووااااااوووووو هم على قلبي يعني مستعده اسوي ذبايح واعزم العالم بس مواعين اعفوني عنهم
ومن ناحية اعيالك نظمي وقتهم من ناحية النوم والدراسه وترتيب الأشياء بعدهم
يعني انتي وشطارتك
والله يعينك

الله يعينك على صدمة الشغل ياشين البيت الي متعود على الشغاله وبعدها تروح
شوفي اهم شي غسالة ملابس اتوماتيكيه بتريحك كثيييييييييييييييير واذا قدرتي بعد تجيبين المنشاف الحراري احلا واحلا
وبعدها على طول جيبي غسالة صحون بتريحك عن وقفة المجلى الي ماتنتهي الا اذا نمتي
هاذولي اهم شي انا اسميهم الشغالات الصامتات اقول لزوجي ذولي شغالاتي :)

الله يعينك راح تتعودي بس بعد فترة لاتنسي التسبيح الي وصى عليه المصطفى عليه السلام وراح ترتاحي مهما كان انتاجك قليل لانه شغل ايديك واسال الله ان يعينك ويسهل عليك كل صعب

البنات ماقصروا
اذا مو موظفه واولادك في المدارس نصيحه لوجه الله خلي شغلك كله الصباح
اقصد الشغل اليومي
صدقيني يعدي اليوم وانت مرتاحه واولادك عوديهم ينظفوا غرفهم ويرتبوا سررهم بنفسهم