غزال فوشي :

امممم.. طيب طالما انك جزمتي تقعدين .. الله يسهل عليك بقولك على اشياء واخطاء انا سويتها يمكن تفيدك.. اول شي وانتي بالمستشفى حاولي انك تقعدين على الاقل ثلاث ايام بعد الولادة وطبعا الملحقية بتدفع اذا فيه امر من الدكتور يعني انتي قولي لدكتورتك اذا جت تطلعك بعد يومن مثلا.. انا تعبانه احس بارهاق ابي اقعد يوم بعد.. في خلال هذي الثلاث ايام ان شالله خياطتك تكون احسن وتقدرين تمشين.. ثانيا وانتي بالمستشفى ارتاااااااااااااااااااااااااااااااااحي.. لا تسوين زيي كل شوي اجيب البيبي عندي .. فما ارتحت بالمستشفى ابد ابد يعني انتي ما عندك فرصة انك ترتاحين الا بالمستشفى لان في احد يمسك البيبي عنك فانتي قوليلهم يجيبونها وقت الرضاعة فقط .. رضعيها وناديهم.. يعني تقريبا كل ثلاث ساعات بيجيبونها وقبل ماتنامين بالليل رضعيها وعطيهم البيبي وقوليلهم الرضعة اللي بعدها رضعوها من عندكم .. عشان يمديك تنامين على الاقل 5 او 6 ساعات بدون مقاطعة.. مهم جدا انك ترتاحين عشان تسترجعين قوتك.. ولا عندك فرصة ترتاحين الا وانتي عندهم.. ولا تخافين على الرضعة الصناعية اصلا مارح يعطونها الا رضعة وحدة بس باليوم فمارح تضرها ابد ان شالله.. ولا رح تمنعها عن الرضاعة الطبيعية.. امم وش بعد.. اي انا قبل ما ارجع السعودية يوم مرة مرة مرة تعبت قلت لزوجي دبرلي وحدة تساعدني.. فهو كلم على مكتب وجابلي وحدة امريكية تشتغل بالساعات يعني خليها تنظف البيت تغسل ملابس البيبي تسويلك شوربة حليب مو لازم تمسك البيبي اذا تخافين عليه طبعا انا ماسويت كذا الا اخر كم يوم قبل اسافر بس يعني بمكن لو اني جايبتها من قبل كان وضعي احسن.. وبالنسبة للسفر.. انا زي ما قلت لك انه اخوي الصغير كان معي.. بس اذا كنتي رايحة بالخطوط السعودية.. اكدي على انه يكون سله الطفل لك يعني يقعدونك في اول مقعد ويجون يعلقون قدامك سله زي السرير تحطين عليها الطفل اذا نام طبعا هذا يريحك كثير بس المشكله انه دااايم هالسله ماخوذة يعني انتي من اول ما تحجزين اكدي عليهم واذا قصيتي البرودينق اكدي.. وحاولي تقصين بدري عشان يعطونك اياه واذا رحتي المطار اكدي.. يعني هالسله بتفك عليك ازمة بشكل.. اما بالنسبة للعربية.. في عربية مرة صغيرة وتنصفط ويدخلونها الطيبارة لانها مرة مرة صغنونة .. بس مشكلتها انها ما تنسدح يعني ما تصلح للرضيع بس انا مرة شفت بتارقت حركة مرة اعجبتني وان شالله تصلح لك.. شفتي كرسي السيارة اللي بتشرينة للبيبي.. طبيعا يكون صغير.. فيه بتارقت زي الحماله الصغيرة .. تركبين عليها الكرسي نفسه.. ويصير كنه عربيه.. والحمالة صغنونة ما تاخذ مكان فهمتي كيف؟؟ بحيث انه اذا دخلتي الطيارة تشيلين الكرسي بيدك والحمالة تركبينها فوق معك.. ونفس الشي اذا جيتي تنزلين.. وبالنسبة للكرسي يدخلونة اكيد معك اذا درجتك اولى .. اما سياحية قد مرة غير المرة الاولى هذيك.. اول شي رفضوا.. بعدين قلت لهم هذي ضرورية للطفل لازم ومدري وشو ودخلوها .. وطبعا ساعدتني شوي لان كانت السلة حقت البيبي ما عطوني اياها مع اني اكدت مليون مرة.. المهم اني كنت احط البيبي بالكرسي فيها لما ينام عند المقعد تحت.. . . . وبس هذا اللي عندي.. ان شالله ربي يسهل عليك .. ودعواتك :) . . .

امممم.. طيب طالما انك جزمتي تقعدين .. الله يسهل عليك بقولك على اشياء واخطاء انا سويتها يمكن...