شوفي ياحبيبة قلبي

اقدّر لكل اللي رد عليك

بس لا تخذين كلام الا من مجرب !!

يعني اي الواحد لما يفكر يقول خلي زوجك يتحمل ومدري وشو

بس شوفي المجرب غيييييييييييييييييييييييييير


انا بقول لك تجربيتي..

وان شالله بتفيدك..

اولا اقولك.. انا انسانة كنت ما اخاف من شي اسمه ولادة واحس انه عادي وكل العالم يولدون ومدري وشو


بس لما جربت ندمت ندم الله لا يورك


او شي .. امي كانت تتحايل علي اني اجيها اولد عندها .. وابد كنت اقول زيك .. ابي زوجي يشوفني ويتحمل معي واول طفل ومدري وشو..

يوم شافتني امي ماني مقتنعة..

امي ارسلت لي كلللل شي من طق طق الى السلام عليكم

حلبة ورشاد ولهوم وحتى الغسول حق الخياطة وملح خشن وينسون ومدري وشو

الى درجة القرصان ارسلته !!

يعني اني كنت مجهزة كل شي وابهتم بنفسي وكذا


حلو ..!!


جت يوم الولادة .. وطبعا الولادة تتعب وتعورسواء هنا بأمريكا وبالسعودية

بس البلا كله بعد الولادة !!


يااااا الله .. يعني تخيلي بكر اول طفل لي .. لا انا ولا زوجي عندنا خبرة..

رحت البيت بعد الولادة.. متتت من التعب..

اولا ماتقدرين تنامين !!

ما عندك خبرة .. لو البيبي قال آآه انهبلت وش فيه وش جاه .. والله ما انام ساعة على بعض


زوجي ما عنده خبرة ما اقدر احط البيبي عنده وانام هذا اولا..

وان كنت ميييته تعب وابي انام .. زوجي عنده دراسه ودوام ما يقدر ياخذ البيبي عني دايم


وبعدين النفاس اكوون تعبااانه ما فيني حيل اسوي شي..

البنات السعوديات اول عشرة ايام كانو يرسلون لي غدا !!

بس وربي مااا اقدر ولا اكل..

يعني ابي مثلا حليب حار.. مراصيع .. قرفة.. ساندوتش شوربة بس ما اقدر اسوي مرررة تعبانه !!

ما اشتهي رز ولحم اللي يرسلونه !!

ما اشوووف احد.. طول الوقت مقابلة هالبيبي اللي ما اعرف له !!!

جتني كآبة كل اليووووووم بس صياااح..اكلم امي اصيح اكلم كل احد اصيح..

ما حسيت بالفرحة والهدايا اللي تجي والاشياء

حسيت بنقص ابي احد يشوف البيبي ويقولي حلو ما شالله والا يشبهك والا هالكلام


تدمرت نفسيتي 100 %

قلت لامي مااا اقدر ابي اجيييك !!

وزوجي ما يقدر يوديني.. ولا اقدر اسافر لحالي مع بيبي 15 ساعة !! مرررة تعب !!

والله ان الاغراض اللي ارسلتها امي مااا مسكتها ما فيني حيييل ابد


البيبي يوصخ كثيير ويستفرغ .. وكل شوي غسل ملابس


وبعض الاحيان يصير اللبس الله يكرمك يبيله مو بس رمي بالغسالة .. لا.. فرك عشان يتنظف

الوضع مو سهل ابد..

زوجك عنده دراسة مو زي امك بس مقابلتك وتتداريك..


المهم اني خليت اخوي الصغير يجي عندي بأمريكا ويرجعني !!


يعني تمرمطت مرمطة..

يوم رحت عندي امييييمتي يااااااااااااا الله الجنة..

بس ارضع بنتي وتاخذها مني.. وانا منسدحة

نمت زي العالم.. اكلت زي العالم..

وانا بسريري اميمتي تجيب لي القرفة واللهوم والفطوروالغدا والعشا


قعدت ثلاث شهور عندها .. والله ياااا الله تحسنت نفسيتي..

والا الاكتئاب كان معي

لدرجة اني رحت لدكتور وقلته خلااااص ابمووت من هالاكتئاب


قالي عادي هو كثير يجي للنفاس

بس اللي زوده عليك انك كنتي لحالك ومرهههقة
.
.
.


شوفي ياقلبي.. البكر غيييييييييييير.. يعني لو ثاني طفل لك قلت اولدي هنا وانتي مغمضة


بس مرة مرة مرة مرة صعبة على البكر..

وزوجك لاحقة عليه ..

بالعكس والله تروحين عند امك وتضبطين نفسك وتاكلين زين وتنحفين وترجعين له عرووووسة..


مو زيي يااحسرة والله الفترة اللي قعدت عنده قرف وتعب وصياااح .. وشكلي حوسة


ولا له داعي يشوف خرابيط النفاس والريحة والحلبة والغسولات !!


نصيحة من قلب روحي لاميمتك بس



ما ودي اخوفك .. بس والله اني تمنيت احد يقولي كذا قبل لا آلد واروح لامي

.
.
.
.

اناتوني والده من اسبوعين،،،،،وكل شي طبيعي وزوجي ماقصر معاي،،،والبكريه عادي ماتحس بتعب الااول 3ايام وبعدين تقدري تمشي وتروح،،،اسويلي واطبخ لي اكل ،،اخذ براد كبير واجمع فيه قرفه يانسون تمر حلبه وقشر واطبخها واشربها كل يوم ويجلس البراد في الثلاجه واسخن منه كل مابغيت واسوي لي شوربات،،،،،واموري مااااااااشيه تمام،،،لاتشيلين هم النفاس كلها بتتيسر لله كريم،،،اولدي عند زوجك يحس بتعبك ويساعدك وهذااول مولود حلوتكبرينيه انتي وزوجك مع بعض،،،،الله يسهل عليك ويختارلك الصالح،،،،،،،،،،،،،

يسلمكم ربي ويخليكم

والله اني محتاره ماادري وش يصير الله يسهلها وين ماكانت


غزال فوشي ..والله عارفه مافي زي الام الله يخلي لنا امهاتنا

لكن انا لو بروح بالكريسمس ابجلس 3 شهور وبعدها بولد وبعد ما اولد بشهرين يجي زوجي لان ماعنده اجازه الا في شهر 5

والله صعبه مره اتركه كل هالفتره وانا وش بسوي بالسعوديه كل هالفتره والله بطفش

والله شكلي بولد هنا واروح بعد اسبوعين كذا حلو

بس انا ناقله هم السفر مع البيبي ياليت لو وحده سافرت مع طفلها لحالهم تخفف عني وتقولي انها سهله


:

عن تجربة
ولدت ولدي الأول في أمريكا
الولادة هي هي في كل مكان
لكن خذت إبرة ظهر وارتحت عليها الحمدلله
وعنايتهم كانت ممتازة جداً
وكنت فرحانة ان زوجي حضر أول ولادة
أنا أشوف وجود الزوج مهم جداً

لكن لما طلعت من المستشفى كل الطريق أبكي
وأول الأيام متعبة لكن الحمدلله ماكان عندي غير هالمولود أهتم فيه (مثل حالتك)
نفسيتي تعبت وزوجي كان مشغول بامتحاناته
لكن ربي عوضني ببنات يوسعون الصدر وماخلوني ربي يجزاهم الجنة ..

المتعب في الموضوع انك تشتغلين في البيت وتنظفين طبيعي .. ماكنك نفاس
حتى مايمدي تتصنفرين :42:
لكن في المقابل تتشافين بسرعة ترا القعدة والتسدح مو من صالح اللي في النفاس
أهم شيء ماتشيلين شي ثقيل وترهقين نفسك .. شغل عااااااادي وسطحي لا تتكلفين ..

شوفي ذا الأمريكيات يتسوقون ويطلعون و بالبيبي ..
تلقين الوحدة فيهم ماكملت أسبوع والجو بارد ولا ضرهم ماشاء الله

يعني هي متعبة من ناحية ومريحة من ناحية أخرى :)

أنا رجعت للسعودية وولدي عمره 4 شهور .. والله انه كان خيرة لي ..
رغم اني في النفاس كنت منهبلة أبي أرجع للسعودية
لكن تدرين حسيت بعدين اني مسوية إنجاز .. والتجربة رائعة جداً .. كذكرى :)
ولما رجعت كنت قادرة أتعامل مع ولدي شوي مو نتفه ما أقدر أشيله ولا أرفعه

بالنسبة لرجعتك وأنت مالك إلا أسبوعين .. نصيحة لا تسوينها
يا تروحين قبل الولادة أو بعد النفاس لأن السفر برضيع وأنت توك في أول الأيام وراجعة من أمريكا ..
بيتعبك مررررررة
وأصعب وقت أول 10 أيام بعد الولادة ان تحملتيها وعشتيها برا .. فنصيحة كملي النفاس في محلك لا ترجعين في نصه

الله يهون عليك ويسهل أمرك ويكتب لك اللي فيه الخير :)

مافيه مجال بالمقارنه بين الولاده بامريكا وفي السعوديه اجلسي عند زوجك احسن لك وسوي لك نظام غذائي مفيد والحمد لله وارتاحي ولا تروحين لاهلك الا بعد 20 يوم خلي البيبي ياخذ الجنسيه ههههههههه